تالدىقورعاندا ەكى ايەل ەلەكتر ساموكاتتارىن ۇرلاعان

24-ساۋىردە تالدىقورعان قالاسىنىڭ پوليتسەيلەرىنە جەرگىلىكتى كاسىپكەرلەردىڭ ءبىرى حابارلاسىپ، ەكى ەلەكتر ساموكاتى ۇرلانعانىن ايتقان. ەر ادامنىڭ جۇزدەن استام ساموكاتى بار. ولاردى تۇرعىندار قالانىڭ ءبىر نۇكتەسىنەن ەكىنشى نۇكتەسىنە جەتۋ ءۇشىن جالعا الادى. ترانسپورتتىڭ ءارقايسىسىندا JPS جانە تولەم جاسالاتىن ارنايى باعدارلاما ورناتىلعان.

«ساموكاتتار قالانىڭ ءار جەرىندە ۇرلانعان. كەلتىرىلگەن زالال 850 مىڭ تەڭگەنى قۇرادى. جەدەل قىزمەتكەرلەر مەن پاترۋلدىك پوليتسەيلەر قولدى بولعان كولىكتى بىرنەشە ساعاتتا تاۋىپ، زاڭدى يەسىنە قايتاردى. كۇدىكتى رەتىندە 34 جانە 42 جاستاعى ەكى ايەل ۇستالدى. ولاردىڭ ءبىرى وبلىس ورتالىعىندا، ەكىنشىسى جاقىن ورنالاسقان ەلدى مەكەندە تۇرادى»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

اتالعان فاكتى بويىنشا ق ر قىلمىستىق كودەكسىنىڭ 188-بابىمەن (ۇرلىق) تەرگەۋ باستالدى. ۇستالعاندارعا قاتىستى «كەلۋ تۋرالى مىندەتتەمە» بۇلتارتپاۋ شاراسى تاڭدالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى