ديپلوممەن اۋىلعا اتتانعاندار نەسيەلەرىن ەندى وتباسى بانك ارقىلى وتەيدى
ايتپەسە، زاەمدى ۋاقىتىندا وتەۋ مۇمكىن بولمايدى جانە نەسيە بويىنشا تولەمدى كەشىكتىرۋ قاۋپى تۋىندايدى، دەپ حابارلايدى قازاقپارات ۇيىمنىڭ باسپا ءسوز قىزمەتىنە سىلتەمە جاساپ.
ەلىمىزدە «ديپلوممەن اۋىلعا» جوباسى ءوز جۇمىسىن باستاعالى بەرى 38 مىڭ قازاقستاندىق بيۋجەتتىك نەسيە العان ەكەن. ءبىز بۇل كليەنتتىك بازانى باعدارلامانىڭ بۇرىنعى وپەراتورىنان الدىق. زاڭ بويىنشا، وسى نەسيەلەرگە قىزمەت كورسەتۋدى جالعاستىرۋ ءۇشىن قارىز الۋشىلار «وتباسى بانكىنەن» شوت اشۋلارى قاجەت. كليەنتتەردى حاباردار ەتپەي، ولاردىڭ كەلىسىمىنسىز ءبىز ونى ءوز بەتىمىزشە اشۋعا قۇقىعىمىز جوق. سوندىقتان، «ديپلوممەن اۋىلعا» جوباسىنىڭ بارلىق قاتىسۋشىلارىن 2023-جىلدىڭ 1- مامىرىنا دەيىن جەدەلدەتىپ، اعىمداعى شوت اشىپ، بانك كليەنتى اتانىپ ۇلگەرۋلەرىن سۇرايمىز. سوندا كەز كەلگەن ەكىنشى دەڭگەيلى بانكتەن كليەنت وسى اعىمداعى شوتتى تولىقتىرىپ، سول ارقىلى نەسيەسىن وتەي الادى، - دەپ ءتۇسىندىردى «وتباسى بانك» ا ق باسقارما ءتوراعاسىنىڭ ورىنباسارى نۇرلان اقشانوۆ.
2023-جىلدىڭ 1- ساۋىرىنەن باستاپ ۇلتتىق ەكونوميكا مينيسترلىگىنىڭ شەشىمىمەن وتباسى بانك «ديپلوممەن اۋىلعا» جوباسىنىڭ سەنىمدى اگەنتى بولىپ تاعايىندالدى. بۇل جوبادا تۇرعىن ءۇي ساتىپ الۋعا نەمەسە سالۋعا نەسيە بەرۋ جانە كوتەرمە جاردەماقى تولەۋ قاراستىرىلعان. باعدارلاماعا اۋىلدىق جەرلەرگە ەندى عانا كەلگەن جانە وندا ءبىرقاتار كاسىپ بويىنشا جۇمىس ىستەيتىن كەز كەلگەن جاستاعى قازاقستاندىقتار قاتىسا الادى. ولار: دەنساۋلىق ساقتاۋ، ءبىلىم بەرۋ، الەۋمەتتىك قامسىزداندىرۋ، مادەنيەت، سپورت، اگروونەركاسىپتىك كەشەن ماماندارى، اۋىلدىق وكرۋگتەر اكىمدەرى اپپاراتتارىنىڭ مەملەكەتتىك قىزمەتشىلەرى (اكىمدەر مەن اكىمدەردىڭ ورىنباسارلارىن قوسپاعاندا).
اۋداندىق اكىمدىكتەر مەن وبلىستىق ماڭىزى بار قالالاردىڭ اكىمدىكتەرى جىل سايىن ءوز ەلدى مەكەنىندە اتالعان ماماندىقتار بويىنشا تالاپ ەتىلەتىن قىزمەتكەرلەردىڭ تىزبەسىن قالىپتاستىرادى. ءدال وسى ءتىزىم اياسىندا جەڭىلدەتىلگەن كرەديتتەر بەرىلەدى.
قارىزدىڭ ەڭ جوعارى سوماسى 1500 ا ە ك- كە دەيىن، كرەديت بويىنشا مولشەرلەمە %0,01 عا تەڭ (ج ت س م - جىلدىق %0,01 دان باستالادى). قارىز مامان جۇمىس ىستەيتىن ەلدى مەكەندە تۇرعىن ءۇي ساتىپ الۋعا نەمەسە سالۋعا بەرىلەدى. كرەديتتىڭ ەڭ كوپ مەرزىمى - 15 جىل. نەگىزگى تالاپ - جوباعا قاتىسۋشى اۋىلدىق جەردە ماماندىعى بويىنشا 3 جىل جۇمىس ىستەۋى كەرەك.
جاردەماقى مەن بيۋجەتتىك كرەديت الۋعا ءوتىنىشتى ءبىر مەزگىلدە بەرۋگە بولادى.
ازاماتتاردىڭ ۋاقىتىن ۇنەمدەۋ جانە ولارعا وسى مەملەكەتتىك قولداۋدى الۋ پروتسەسىن جەدەلدەتۋ ءۇشىن «ديپلوممەن اۋىلعا» جوباسى سيفرلىق فورماتقا اۋىستىرىلدى. قازاقستاندىقتاردان جاڭا وتىنىمدەر otbasybank.kz جىلجىمايتىن مۇلىك پورتالىندا ونلاين رەجيمدە قابىلدانادى.
«ديپلوممەن اۋىلعا» جوباسى بويىنشا وتىنىمدەردى قابىلداۋدىڭ باستالاتىن كۇنىن بانك قوسىمشا حابارلايدى. ال، بانك كليەنتى بولۋدىڭ بىرنەشە جولى بار:
- Otbasy bank موبيلدى قوسىمشاسىن جۇكتەپ الىپ، ونى اعىمداعى شوت پەن دەپوزيت اشۋ ءۇشىن پايدالانۋ؛
- ۇيالى تەلەفوننان 300 نومىرىنە تەگىن قوڭىراۋ شالۋ؛
- جاقىن جەردەگى بانك بولىمشەسىنە نەمەسە كەڭەس بەرۋ ورتالىعىنا حابارلاسۋ.
بانك كليەنتى اتانعان قازاقستاندىقتارعا نەسيە شارتتارى بويىنشا ەش وزگەرىس ەنگىزىلمەيدى، ولار زاەمدارىن تولەۋدى جالعاستىرا بەرەدى.
