مينيسترلىك چ ۆ ك «ۆاگنەر» قاتارىنا وتكەن قازاق ستۋدەنتى تۋرالى: ول اسكەري قىزمەتكە جارامسىز بولاتىن
ب ا ق وكىلى قورعانىس مينيسترلىگىنىڭ وكىلدەرىنەن رەسەيلىك چۆك «ۆاگنەر» جەكەمەنشىك اسكەري كومپانياسىنىڭ ساپىنا ءوتتى دەلىنگەن 23 جاستاعى قازاقستاندىق جىگىت تۋرالى سۇرادى.
«بۇل كەلەڭسىز وقيعانىڭ وزگە وڭىرلەردە بولماۋى ءۇشىن قانداي شارا قابىلدانادى؟» دەپ سۇرادى جۋرناليست.
قانىش ابۋباكىروۆتىڭ ايتۋىنشا، ول ازامات ءوز كەزىندە قازاقستان قارۋلى كۇشتەرىنىڭ قۇرامىندا بورىشىن وتەۋگە جارامسىز دەپ تانىلعان.
«ول ازامات تۋرالى ايتساق، قازاقستان رەپۋبليكاسى قارۋلى كۇشتەرىنىڭ قۇرامىندا اسكەري قىزمەت ەتۋگە جارامسىز بولعان. قالعان مالىمەتكە كەلسەك، قازىرگى تاڭدا بۇل ماسەلەمەن اينالىسىپ جاتقان وزگە ورگاندار بار. سولار اتالعان ازاماتتىڭ ارەكەتىنە قۇقىقتىق باعا بەرەدى»، - دەدى باس شتاب باستىعى.
ەسكە سالا كەتەيىك، بۇعان دەيىن رەسەيدە وقيتىن قازاقستاندىق ستۋدەنت ءوز ەركىمەن چۆك «ۆاگنەرمەن» كەلىسىمشارتقا وتىرعانىن جازعان ەدىك.
كەيىن ق ر سىرتقى ىستەر مينيسترلىگى ستۋدەنتتىڭ قازاقستاندا قىلمىستىق جاۋاپقا تارتىلاتىنىن مالىمدەدى.
