ءاليحان سمايىلوۆ ينتەرنەت ساپاسى جايلى: ءوز باقىلاۋىمدا ۇستايمىن

«بايلانىس وپەراتورلارى مىندەتتەمەسىنىڭ ساقتالۋىن ەسكەرە وتىرىپ، بارلىق جەردە بايلانىس ساپاسى مەن ينتەرنەت جىلدامدىعىنىڭ مونيتورينگىن كۇشەيتۋ قاجەت. حالىق پەن بيزنەستىڭ كوپتەگەن پروبلەمالارىنىڭ جەدەل شەشىمى وسىعان بايلانىستى. ەل اۋماعىنداعى ءاربىر ەلدى مەكەنگە دەيىن تارتىلاتىن كەڭجولاقتى ينتەرنەت ينفراقۇرىلىمىنىڭ ەكسپوزيتسياسىن ايقىنداۋ قاجەت»، - دەدى ق ر پرەمەر-ءمينيسترى ءاليحان سمايىلوۆ ۇكىمەت وتىرىسىندا.

ونىڭ ايتۋىنشا، ينتەرنەت ترافيگىنىڭ جىلدامدىعى ناقتى كورسەتىلۋى ءتيىس.

«قىسقا مەرزىمدە ۇلتتىق جوبانى پىسىقتاپ، پرەزيدەنت اكىمشىلىگىنە جەتكىزۋ قاجەت. حالىق پىكىرىن ەسكەرە وتىرىپ، بارلىق پروبلەما مۇقيات پىسىقتالۋى ءتيىس. بۇل ماسەلەنى ءوز باقىلاۋىمدا ۇستايمىن»، - دەيدى ول.

بۇعان دەيىن پرەمەر-مينيستر بايلانىس وپەراتورلارىنىڭ ينتەرنەت ساپاسىنا جاۋاپكەرشىلىگىن سىناعان ەدى.

سونداي-اق، جىل باستالعالى بايلانىس ساپاسىنا قاتىستى 5 مىڭعا جۋىق ارىز-شاعىم تۇسكەنى بەلگىلى بولدى.

ودان بولەك، مينيستر باعدات مۋسين ەلىمىزدە ءالى دە 1,5 مىڭعا جۋىق اۋىل كەڭجولاقتى موبيلدى ينتەرنەتكە قوسىلماعانىن ايتىپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى