شاحماتشى جانسايا ابدىمالىك تۇرمىس قۇردى

حالىقارالىق شاحمات شەبەرى قۋانىشتى حابارمەن Instagram-داعى پاراقشاسىندا ءبولىستى. بەلگىلى بولعانداي، كۇيەۋ جىگىت - «قازاق مىس كورپوراتسياسى» ج ش س باسقارما ءتوراعاسى، 34 جاستاعى نۇراحمەت نۇريەۆ.

«بارعان جەرىڭىزدە باقىتتى بولىڭىز! بۇگىن وتاندىق شاحماتتىڭ ماقتانىشى، گروسسمەيستەر جانسايا ابدىمالىك تۇرمىس قۇردى. جاس وتباسىعا باقىت، بەرەكە تىلەيمىز!»، - دەپ قۇتتىقتادى قازاقستاننىڭ شاحمات فەدەراتسياسى.

ايتا كەتەيىك، جانسايا دانيار قىزى ابدىمالىك 2000-جىلى الماتى قالاسىندا تۋعان. ول بەس جاسىندا شاحمات ويىنىنىڭ ەرەجەلەرىن ۇيرەندى، ال جەتى جاسىنان شاحمات مەكتەبىندە جاتتىقتىرۋشى نيكولاي پەرەگۋدوۆتىڭ جەتەكشىلىگىمەن وقىدى. 2007-جىلى قاڭتاردا ءوز جاسىنداعى قىزدار اراسىندا قازاقستان چەمپيونى اتانسا، 2008-جىلى دا 8 جاسقا دەيىنگى الەم چەمپيوناتىندا 10/11 ناتيجەمەن جەڭىمپاز اتاندى. ال 2011-جىلى 12 جاسقا دەيىنگىلەر اراسىندا 8/9 ۇپاي جيناپ، ايەلدەر اراسىندا حالىقارالىق شەبەر اتاعىن الدى، قىزدار اراسىندى الەم چەمپيونى اتاندى.

2021-جىلى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ جانسايا ابدىمالىككە «قۇرمەت» وردەنىن تابىس ەتتى. ال 2022-جىلى جاڭادان قۇرىلعان الماتى شاحمات فەدەراتسياسىنىڭ قۇرمەتتى پرەزيدەنتى اتاندى.

تامىز ايىندا شاحماتشى قىز 2022-جىلعى دۇنيەجۇزىلىك شاحمات وليمپياداسىندا العاشقى تاقتالار اراسىندا قولا جۇلدەگەر اتاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى