وڭتۇستىك كورەيادا قازاقستان ازاماتتارىنىڭ قۇقىعىن قورعاۋ ماسەلەسى قارالادى
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«اتالعان ءىس-شارادا وڭتۇستىك كورەياداعى قازاقستان ازاماتتارىنىڭ قۇقىقتارى مەن مۇددەلەرىن قورعاۋ، سونىڭ ىشىندە ءبىزدىڭ ازاماتتارىمىز ءۇشىن ەڭبەك رۇقساتتارى جۇيەسىن قۇرۋ ماسەلەلەرىن تالقىلاۋ جوسپارلانعان»، - دەدى ا. سمادياروۆ ەلوردادا وتكەن باسپا ءسوز ءماسليحاتىندا.
سونىمەن قاتار ق ر ۇكىمەتى مەن كورەيا رەسپۋبليكاسىنىڭ ۇكىمەتى اراسىنداعى قازاقستان ازاماتتارى سانالاتىن ەڭبەكشى-ميگرانتتاردىڭ ەڭبەك قىزمەتى جانە ولاردىڭ قۇقىعىن قورعاۋ تۋرالى كەلىسىمنىڭ جوباسى قارالماق.
بۇدان بۇرىن حابارلانعانداي، جاقىندا وڭتۇستىك كورەياعا زاڭسىز كىردى دەپ كۇدىككە ىلىنگەن قازاقستاننىڭ ەكى ازاماتىنىڭ ءىسى سوتقا جولداندى.
