ەلىمىزدىڭ حوككەيدەن ايەلدەر قۇراماسى كورەياعا سەس كورسەتتى

ۆلاديسلاۆ سوي، ءتىلشى:

- جالپى كەز كەلگەن سپورتتا ءوز الاڭىندا ونەر كورسەتۋدىڭ ءوز سيقىرى بار. كورەيا قۇراماسى سونىڭ تاعى ءبىر دالەلى. ولار قاتىسقان بارلىق ماتچتاردا جانكۇيەرلەر تولى بولدى. جانە دە كورەي قىزدارى بارلىق كەزدەسۋدە جەڭىسكە جەتتى. بۇل ەلدەگى ايەلدەر حوككەيىنىڭ وركەندەپ جاتقانىنىڭ بەلگىسى. قازاقستان قۇراماسىنىڭ باپكەرى ۆيكتوريا سازونوۆا چەمپيوناتتاعى تورەشىلەرگە وكپەلى. ايتۋىنشا ۇلىبريتانيامەن وتكەن ويىندا ادىلەتسىز ايىپ شايباسى سوعىلعان. اتتەگەن ايى سول 5 كەزدەسۋدىڭ تورتەۋىندە ءبىزدىڭ قىزدار ءبىر شايبا ايىرماشىلىعىمەن ۇتىلعان. قاقپامىشىمىز ارينا شەكولوۆا چەمپيوناتتىڭ ۇزدىك ويىنشىلارىنىڭ ءبىرى اتاندى. جاس قۇراما ءۇشىن بۇل چەمپيونات ۇلكەن تاجىريبە بولدى.

ۆيكتوريا سازونوۆا، حوككەيدەن قر ايەلدەر قۇراماسىنىڭ باس باپكەرى:

- نەگىزگى قۇرامدا كاترين مەسكيني، ماديانا ءنۇسىپوۆا بولدى. ولار ءالى نەبارى 18 جاستا. ساشا گولوتۆينا دا ءوزىن جاقسى كورسەتتى. الينا يۆانچەنكو بۇگىن ۇزدىك ويىنشى اتاندى. ءبىز جاقسى قورعانامىز، ءبىراق، وكىنىشكە قاراي، باتىل بولۋ ءۇشىن ءالى شەبەرلىگىمىز جەتكىلىكسىز.

جانەل قوزعۇلوۆا، حوككەيدەن ق ر ايەلدەر قۇراماسىنىڭ قورعاۋشىسى:

- مەنىڭ ويىمشا، ءبىز تاعى دا تىرىسىپ، بارلىعىن تولىعىمەن جەڭە الار ەدىك. ءبىراق ءار ويىندا ءبىر كەزەڭ جەتپەي قالادى. مۇمكىن كوبىرەك سەنىمدىلىك قاجەت شىعار. ءسال قىسپاققا العاندا گول سوعاتىن ەدىك. وڭتۇستىك كورەيا قۇراماسى بارلىق قارسىلاستارىن قينالماي جەڭدى. ال قازاقستانمەن ويىندا 1:1 ەسەبى سوڭعى مينۋتتارعا دەيىن ساقتالدى. جان الىسىپ جان بەرىسكەن كەزدەسۋدە تاجىريبەلى كارىستەر سوڭعى سەكۋندتا العا شىقتى. ويىن جەكسەنبى كۇنى وتكەندىكتەن كورەيانىڭ تۇكپىر- تۇكپىرىنەن قانداستارىمىز كەلىپ، قولداۋ كورسەتتى.

ينديرا سەكسەنبايەۆا، ستۋدەنت:

- مەنىڭ قاسىمدا جەرگىلىكتى تۇرعىندار ءوز ويىنشىلارىنا قولداۋ كورسەتتى. مەن ءوزىمدى ازداپ جالعىز سەزىندىم، ءبىراق سوعان قاراماستان مەن ەلىممەن ماقتانامىن. ويىنشىلارىمىز جاقسى وينادى، سوڭىنا دەيىن بەرىلمەدى. 2024 -جىلعى الەم چەمپيوناتىندا ءبىزدىڭ قىزدار ەكىنشى ديۆيزيوننىڭ ا توبىندا ونەر كورسەتەدى. ەرەسەكتەر قۇراماسىنا ەكى اي بۇرىن الەم چەمپيونى اتانعان جاسوسپىرىمدەر قۇراماسىنىڭ حوككەيشىلەرى قوسىلادى.

ۆلاديسلاۆ تسوي، ولگا ليان

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى