مەكتەپتەردىڭ وقۋ باعدارلاماسىنا شاحماتتى فاكۋلتاتيۆ ءپان رەتىندە وتەدى - فەدەراتسيا

«ءبىز وتكەن جىلى ماۋسىمدا «مەكتەپتەگى شاحمات» جوباسىن قولعا العان بولاتىنبىز. مەملەكەت باسشىسىمەن شاحماتتى مەكتەپ باعدارلاماسىنا فاكۋلتاتيۆتىك ءپان رەتىندە ەنگىزۋ تۋرالى كەلىستىك. ءبىز 1- 4 سىنىپتاردان باستاعىمىز كەلىپ وتىر، ارينە قيىنعا سوعادى. سەبەبى ول ناقتى ءارى تەكسەرىلگەن دايىندىقتى قاجەت ەتەدى. دايىندىق بارىسىندا ءبىز ىشكى ساراپشىلار توبىن جۇمىلدىردىق. سونىمەن قاتار وسى كۇندەرى شاحماتتان استانادا ءوتىپ جاتقان الەم چەمپيوناتى اياسىندا اقش، ەۋروپا ەلدەرى، پوستكەڭەستى جانە وڭتۇستىك- شىعىس ازيا سياقتى ءبىرقاتار ەلدەردىڭ ساراپشىلارىنىڭ قاتىسۋىمەن حالىقارالىق كونفەرەنتسيا وتكىزدىك» ، - دەدى دارمەن ءسادۋاقاسوۆ ورتالىق كوممۋنيكاتسيالار الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، شاحماتتى مەكتەپ باعدارلاماسىنا ەنگىزۋ جۇمىسىنا ءبىلىم سالاسىنىڭ ماماندارى مەن مەكتەپ، جوعارى وقۋ ورىندارىنىڭ وقىتۋشىلارى تارتىلدى.

ولار حالىقارالىق تاجىريبەنى نازارعا الدى.

«ەلىمىزدە شاحمات ويىنىن دامىتۋ ماقساتىندا فەدەراتسيانىڭ الدىندا تۇرعان ءبىرقاتار قوسالقى مىندەتتەر بار. جالپى شاحماتتى مەكتەپكە ەنگىزۋ پيلوتتىق جوبا رەتىندە پاۆلودار وبلىسى، شىمكەنت قالاسى جانە تۇركىستان وبلىسىندا جۇزەگە اسىپ جاتىر. بۇگىندە جالپى سانى 30 دان استام مەكتەپتە ەنگىزىلگەن. 3 جىل بويعى اپروباتسيا بارىسىندا شاحماتتىڭ بالالاردىڭ ۇلگەرىمى مەن قابىلەتىن دامىتۋدا وڭ ناتيجەنى بايقادىق. ول بويىنشا اراپتامالىق قورىتىندى جاسالدى. بارلىق عىلىمي تاسىلدەر بويىنشا شاحماتتىڭ بالانىڭ دامۋىنا وڭ اسەر ەتەتىندىگى دالەلدەندى» ، - دەيدى ول.

مەكتەپ وقۋشىلارىنا شاحمات ۇيرەتۋ ورىس جانە قازاق تىلدەرىندە وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى