قازاقستاندىقتار ماكارون جەۋدە كوش باستاپ تۇر

ايتا كەتسەك، اتالعان ءونىم قىمباتتاعان، دەپ حابارلايدى قازاقپارات Finprom.kz رەسۋرسىنا سىلتەمە جاساپ.

كەسپە جانە ماكارون ونىمدەرى - قازاقستاندىقتاردىڭ راتسيونىنداعى ماڭىزدى ەلەمەنتتەردىڭ ءبىرى. اسىرەسە، اتالعان ءونىم ۇلتتىق تاعامدارمەن تىعىز بايلانىستى.

قازاقستاندا بيىل ءبىرىنشى توقساندا ماكارون تۇرلەرى ءوندىرىسى 39,3 مىڭ توننانى قۇرادى، كورسەتكىش وتكەن جىلمەن بىردەي (-%0,8).

ماكارون ونىمدەرى نەگىزىنەن قوستاناي وبلىسى، س ق و، ب ق و جانە استانا، شىمكەنت قالاسىندا شىعارىلادى. ەلىمىزدەگى ماكارون ونىمدەرىنىڭ %77 اتالعان وڭىرلەرگە تيەسىلى.

ءونىمنىڭ %33 عا جۋىعى جۇمىرتقا نەگىزىندە دايىندالادى. بيىل ءۇش ايدا 12,8 مىڭ توننا جۇمىرتقا قوسىلعان ماكارون ونىمدەرى شىعارىلدى.

ونىڭ ىشىندە 11,7 مىڭ تونناسى - ءتۇرلى ماكارون جانە 1 مىڭ توننادان استامى - كەسپە.

وتكەن جىلى ماكارون ءوندىرىسى 166,1 مىڭ توننانى قۇرادى، بۇل 2021 -جىلعا قاراعاندا %4 عا جوعارى.

رەكوردتىق ءوندىرىس 2020 -جىلى تىركەلدى، ياعني 178,9 مىڭ توننا.

ەلىمىزدە ماكارون ونىمدەرىنىڭ تانىمال جانە سۇرانىسقا يە ەكەنىن ەسكەرسەك، اتالعان سەكتور اسا ماڭىزدى. سوندىقتان ءوندىرىستىڭ ۇلعايۋىن وڭ كورسەتكىش دەۋگە بولادى.

ۇلتتىق ستاتيستيكا بيۋروسىنىڭ مالىمەتى بويىنشا، 2021 -جىلى ماكارون ونىمدەرىن (ۆەرميشەل، سپاگەتتي، ماكارون جانە روجكي) تۇتىنۋدى جان باسىنا شاققاندا 18 كەلىنى قۇرادى. بۇل تۋنيس ەلىمەن سالىستىرعاندا ءبىر ەسە، ال ا ق ش-تان ەكى ەسە كوپ.

وتكەن جىلى تۇتىنۋ جان باسىنا شاققاندا 17,3 كەلىگە دەيىن ازداپ تومەندەدى. سوعان قاراماستان باسقا ەلدەرمەن سالىستىرعاندا وتە جوعارى كورسەتكىش. الۋان ءتۇرلى ۇلتتىق تاعامداردى ەسكەرسەك، بۇل تاڭقالارلىق ەمەس.

بيىل ءۇش ايدىڭ قورىتىندىسى بويىنشا ەلىمىزدە ماكارون ونىمدەرى %35,1 عا قىمباتتادى. ونىڭ ىشىندە كەسپە %36,2 عا، ۆەرميشەل %35 عا جانە روجكي باعاسى %33,2 عا وسكەن.

وسى تۇستا شاعىن جانە ورتا بيزنەسپەن پەن تاماق ونەركاسىبىندەگى ءوندىرىستى دامىتۋعا باعىتتالعان مەملەكەتتىك باعدارلامالار ستراتەگيالىق ماڭىزعا يە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى