رەسەيلىك فوتوگراف باتىس قازاقستاندا تابيعاتتىڭ تاڭعاجايىپ قۇبىلىسىن ءتۇسىرىپ الدى
اندرەي تيۋشين Instagram-داعى پاراقشاسىندا ءمالىم ەتكەندەي، وقيعا 23-ساۋىردەن 24 ىنە قاراعان ءتۇنى بولعان.
«پوليار شۇعىلاسى تۋرالى ايتقاندا، ءبىز بىردەن يسلانديا، فينليانديا، رەسەيدىڭ قيىر سولتۇستىگى تۋرالى ويلايمىز. قازاقستاندى ەسكە المايمىز. ءبىراق 23-ساۋىردەن 24 ىنە قاراعان ءتۇنى جەردە قۋاتى وراسان ماگنيتتىك داۋىل تۇرىپ، پوليار شۇعىلاسىن قازاقستانعا دەيىن جەتكىزدى! ماعان بۇگىن تۇندە ورالدىڭ (ب ق و) وڭتۇستىگىنە قاراي 30 شاقىرىم قاشىقتىقتا قازاقستان دالاسىنداعى بىرەگەي كورىنىس - اۆرورا ءبيىن كورۋ باقىتى بۇيىردى»، دەپ جازدى ا. تيۋشين پاراقشاسىندا.
رەسەيلىك فوتوگراف دەمالىس الىپ، باتىس قازاقستان وبلىسىنا كەلگەن.
