جاپونيادا تۋريستىڭ ارەكەتى جاعا ۇستاتتى
وقيعا توكيونىڭ ادام كوپ جۇرەتىن اۋداندارىنىڭ بىرىندە بولدى. ەر ادام وقيعانىڭ قالاي بولعانى ەسىنە تۇسپەيتىنىن ايتتى، - دەپ حابارلايدى Tengritravel.kz ءتىلشىسى.
Yahoo news مالىمەتىنشە، فرانسيادان كەلگەن تۋريست قىزعا شابۋىل جاساعانى ءۇشىن قاماۋعا الىندى.
«توكيونىڭ ادام كوپ جۇرەتىن اۋدانى - روپپونگيدە جاعا ۇستارلىق جاعداي بولدى. فرانسيا ازاماتى چارلي ەۆان دوستارىمەن بىرگە ءدامحانادان شىعادى. 23 جاستاعى ەر ادام كوشەدە 20 جاستاعى قىزبەن سوقتىعىسىپ قالادى جانە قىز تاڭعى اس سالىنعان كونتەينەرىن توگىپ الادى. مۇنىڭ سوڭى توبەلەسكە اكەلدى»، - دەپ جازادى باسىلىم.
ۆيدەودا ەۆان قاشقىسى كەلىپ تىرىسقانىن، ءبىراق قىز ونىڭ جاعاسىنان ۇستاعانىن كورۋگە بولادى.
«سودان كەيىن ەۆان ايەلدى بەتىنەن جۇدىرىقپەن ۇرادى، ول جەرگە قۇلاپ، تۋريست قاشىپ كەتەدى. ادامداردىڭ ەۆاندى اعىلشىن تىلىندە ايقايلاپ، ۇرىسىپ جاتقانى ەستىلەدى، ال تۋريستىڭ ارتىنان قارا كيىم كيگەن تاعى ءبىر ادام جۇگىرەدى»، - دەپ تولىقتىرادى دەرەككوز.
كەيىننەن ەۆان ۇستالىپ، قاماۋعا الىندى. ەر ادامنىڭ ايتۋىنشا، جاعداي ونىڭ ەسىندە جوق.
«مەنىڭ ەسىمدە جوق»، - دەگەن تۋريست.
ب ا ق تۋريستىڭ ماس كۇيىندە بولعانى بەلگىسىز دەپ جازادى. ەۆانعا ءالى رەسمي ايىپ تاعىلعان جوق، ءبىراق بۇل ءۇش اپتا ىشىندە بولۋى مۇمكىن: جەرگىلىكتى زاڭدارعا سايكەس، كۇدىكتىلەر ايىپ تاعىلعانشا 23 كۇنگە دەيىن قاماۋدا ۇستالۋى مۇمكىن.
رەسۋرس اگرەسسيۆ ادامعا قانداي جازا قاۋىپ توندىرەتىنى بەلگىسىز ەكەنىن قوسادى. زارداپ شەككەنگە كەلەتىن بولساق، باسىلىمنىڭ حابارلاۋىنشا، قىزدىڭ جاعدايى تۇراقتى، ءبىراق تولىق قالپىنا كەلۋ ءۇشىن كەم دەگەندە ءۇش اپتا قاجەت.
