ءبيبىسارا اساۋبايەۆا «قازاقستاننىڭ ەڭبەك سىڭىرگەن سپورت شەبەرى» اتاندى

بۇل تۋرالى قازاقپارات ءتىلشىسىنىڭ ساۋالىنا جاۋاپ بەرگەن شاحماتشىنىڭ اناسى ليانا تاڭجارىقوۆا ءمالىم ەتتى.

«ءبيبىسارا شاحماتتان «ق ر ەڭبەك سىڭىرگەن سپورت شەبەرى» اتاندى. وعان بۇل اتاقتى بۇگىن مادەنيەت جانە سپورت ءمينيسترى اسحات ورالوۆ تابىستادى. ايتا كەتەيىك، سوڭعى 30 جىلدا ەلىمىز بويىنشا شاحماتتان ەڭبەك سىڭىرگەن سپورت شەبەرى اتاعىن ەشكىم الماعان»، - دەپ مالىمدەدى ليانا تاڭجارىقوۆا ءتىلشى ساۋالىنا جاۋاپ بەرە وتىرىپ.

قوسا كەتسەك، ءبيبىسارا اساۋبايەۆا - تاراز قالاسىنىڭ تۋماسى.

ول بۇگىنگە دەيىن ايەلدەر اراسىنداعى حالىقارالىق گروسسمەيستەر، ەرلەر اراسىنداعى حالىقارالىق شەبەر اتاعىن العان.

2021-2022-جىلدارى قاتارىنان ەكى رەت الەم چەمپيونى اتانىپ، الەمنىڭ ەڭ ۇزدىك جاس شاحماتشىسى اتاعىنا لايىقتى دەپ تانىلدى.

بۇعان قوسا، ءبيبىسارا 2021-جىلى شاحماتتىڭ راپيد تۇرىنەن الەم چەمپيوناتىنىڭ كۇمىس جۇلدەگەرى، ازيا چەمپيونى بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى