شىمكەنتتە تۋبەركۋلەزبەن ناۋقاستانعان مۇعالىم وقۋشىلارعا ساباق بەرىپ كەلگەن

شىمكەنت قالاسىنداعى №33-جالپى ورتا ءبىلىم بەرەتىن مەكتەپتىڭ باستاۋىش سىنىپ مۇعالىمى تۋبەركۋلەزگە قارسى ديسپانسەرگە جاتقىزىلدى.

ءساۋىردىڭ 7 سى كۇنى كەشكىسىن ءوزىن جايسىز سەزىنىپ، جەدەل جاردەم شاقىرعان ۇستاز، قالالىق تۋبەركۋلەزگە قارسى ديسپانسەرگە جەتكىزىلگەن. الىنعان اناليزدەر قورىتىندىسى جەكسەنبى كۇنى انىقتالعان.

«بيىلعى 16-ناۋرىز كۇنى مۇعالىم فليۋوروگرافيادان وتكەن. ناتيجەسى «حرانيچەسكي برونحيت» دەپ بەرىلگەن. مۇعالىم مەكتەپتە تالىپ قۇلادى دەگەن ءسوز - جالعان اقپارات. مەكتەپ باسشىلىعى تاراپىنان 10-ءساۋىر كۇنى زالالسىزداندىرۋ جۇمىستارى، ال 11-ءساۋىر كۇنى س ە س قىزمەتكەرلەرى ديزەنفەكسيا جۇمىستارىن جۇرگىزدى»، - دەلىنگەن شىمكەنت قالالىق ءبىلىم باسقارماسى تاراپىنان تاراتىلعان اقپاراتتا.

ال، ماماندار وقۋشىلار ءۇشىن قاۋىپ جوق ەكەنىن ايتۋدا.

دەگەنمەن، ولاردان مانتۋ سىناماسىن الۋ باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى