ش ق و اكىمى دانيال احمەتوۆ ورازا ۇستاۋدىڭ ارتىقشىلىعى جايلى ايتتى

دانيال احمەتوۆتىڭ ءوزى ورازا ۇستايدى.

«2016 -جىلى نوبەل سىيلىعىنىڭ لاۋرەاتى مۇسىلمان ورازاسىنىڭ پايداسىن دالەلدەپ شىقتى. ورازا كەزىندە ادام اعزاسى تازارادى. جاپون عالىمدارى ينتەرۆالدى اشىعۋ اعزانىڭ قارتايۋىن تەجەيتىنىن ايتادى»، - دەدى دانيال احمەتوۆ.

تىلشىلەردىڭ «تىعىز جۇمىس كەستەسىمەن ورازا ۇستاۋ قانشالىقتى قيىن؟» دەگەن ساۋالىنا اكىم ەشقانداي دا قيىندىقتىڭ جوقتىعىن العا تارتتى.

«ءبارى جاقسى ءارى وڭاي ءوتىپ جاتىر. ورازا ۇستاعان ادامنىڭ وي- ءورىسى مەن سەزىمى وزگەرىپ، اعزاسى جاڭارادى»، - دەدى ءوڭىر باسشىسى.

قاسيەتتى رامازان ايى 23-ناۋرىزدا باستالىپ، 20-ساۋىردە اياقتالادى. ءقادىر ءتۇنى 17-ساۋىردەن 18-ساۋىرگە قاراعان ءتۇنى بولسا، ورازا ايت 21-ساۋىرگە تۋرا كەلىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى