قازالىداعى وقۋشىلار توبەلەسى: اۋداندىق ءبىلىم ءبولىمىنىڭ باسشىسىنا قاتاڭ سوگىس بەرىلدى
«كەمشىلىكتەرگە جول بەرگەن قازالى اۋداندىق ءبىلىم ءبولىمىنىڭ باسشىسىنا قاتاڭ سوگىس جاريالاندى. وزگە دە ءتيىستى مامانداردىڭ جاۋاپكەرشىلىگى قارالادى»، - دەدى وبلىستىق ءبىلىم باسقارماسىنىڭ باسشىسى مەيرامبەك شەرماعانبەت.
وبلىستىق ءبىلىم باسقارماسىنىڭ باسشىسى اۋدان اكىمىمەن بىرگە جوعارى سىنىپ وقۋشىلارى، اتا-انالار، مۇعالىمدەرمەن كەزدەسۋ وتكىزدى. وندا ءتارتىپ پەن تاربيە ماسەلەلەرى تالقىلاندى.
ەسكە سالساق، قىزىلوردا وبلىسى قازالى اۋدانىندا 6-ساۋىردە ەكى مەكتەپ وقۋشىلارى اراسىندا جانجال تۋىنداعان. وعان بايلانىستى قىلمىستىق كودەكستىڭ 293-بابىنا سايكەس تەرگەۋ جۇمىستارى جۇرگىزىلىپ جاتىر.
وسى وقيعاعا بايلانىستى ءى ءى م-گە اۋداندىق پوليتسيا ءبولىمىنىڭ باستىعىن قىزمەتىنەن الۋ جونىندە ۇسىنىس جولداندى. تاعى 10 قىزمەتكەر قاتاڭ سوگىس، سوگىس جانە ەسكەرتۋ تۇرىندە تارتىپتىك جازاعا تارتىلدى.
