تاليبان اۋعان ايەلدەرىنە ب ۇ ۇ مەكەمەلەرىندە جۇمىس ىستەۋگە تىيىم سالدى
ب ۇ ۇ وكىلدەرى ءمان- جايدى انىقتاۋ ءۇشىن كابۋلدا بيلىك وكىلدەرىمەن كەزدەسپەكشى، دەپ حابارلايدى قازاقپارات DW اگەنتتىگىنە سىلتەمە جاساپ.
«تاليبان» راديكالدى يسلام قوزعالىسى بىرىككەن ۇلتتار ۇيىمىندا (ب ۇ ۇ) جۇمىس ىستەيتىن اۋعان ايەلدەرىنە جۇمىس ىستەۋگە تىيىم سالدى.
«ءارتۇرلى ارنالار بىزگە بۇل تىيىمنىڭ بۇكىل ەل اۋماعىنا قاتىستى ەكەنىن حابارلادى»، - دەدى ب ۇ ۇ باس حاتشىسىنىڭ رەسمي وكىلى ستەفان ديۋجارريك.
ديۋجارريك بۇل تىيىمدى «قيسىنسىز ءارى اقىلعا قونىمسىز» دەپ اتادى، ايتۋىنشا، بۇل گۋمانيتارلىق ۇيىمداردىڭ مۇقتاج جاندارعا كومەك كورسەتۋ قابىلەتىنە نۇقسان كەلتىرۋى مۇمكىن.
بۇعان دەيىن ب ۇ ۇ- دا اۋعان ايەلدەرىنىڭ جۇمىسىنا تىيىم سالۋ تەك شىعىس نانگارحار پروۆينتسياسىنا قاتىستى دەپ حابارلانعان بولاتىن.
ب ۇ ۇ وكىلدەرى جاعدايعا قانىعۋ ءۇشىن سارسەنبىدە كابۋلدا بيلىكپەن كەزدەسۋگە نيەتتى.
2022 -جىلدىڭ جەلتوقسانىندا تاليبان ايەلدەرگە ۇكىمەتتىك ەمەس ۇيىمداردا جۇمىس ىستەۋگە تىيىم سالعان بولاتىن. جاپپاي حالىقارالىق نارازىلىقتان كەيىن تىيىم دەنساۋلىق ساقتاۋ سالاسىندا جەڭىلدەتىلدى.
ءبىراق بۇعان دەيىن اتالعان شەكتەۋ ب ۇ ۇ اگەنتتىكتەرىنە قولدانىلعان جوق.
2021-جىلدىڭ تامىزىندا بيلىككە كەلگەن تاليبان اۋعانستانداعى ايەلدەرگە ءبىرقاتار كەمسىتەتىن شەكتەۋلەر ەنگىزدى.
سونىمەن قاتار، مۋزىكا، الەۋمەتتىك جەلىلەر جانە بەينەويىندار زاڭسىز دەپ تانىلدى.
اۆتور
سماعۇلوۆا ەركەجان
