ب ۇ ۇ- نىڭ جوعارى كوميسسارى قازاقستانداعى رەفورمالارعا پىكىر ءبىلدىردى
«بۇگىن ب ۇ ۇ ادام قۇقىعى جونىندەگى جوعارى كوميسسارىنىڭ جۇمىس ساپارى اياسىندا ەلورداداعى KAZGUU ۋنيۆەرسيتەتىندە ەكىجاقتى كەزدەسۋ ءوتتى. وسى جيىن بارىسىندا ادام قۇقىقتارى جونىندەگى ۇلتتىق ورتالىعىمەن بىرلەسە ءوزارا ءىس-قيمىل مەن ىنتىماقتىستىق تاقىرىبى تالقىلاندى»، - دەدى ا. لاستايەۆ اتالعان كەزدەسۋدەن كەيىن تىلشىلەردىڭ سۇراعىنا جاۋاپ بەرە وتىرىپ.
سونىمەن قاتار ول ب ۇ ۇ وكىلىمەن كەزدەسۋ بارىسىندا باسقا دا وزەكتى تاقىرىپتار قارالعانىن ايتتى.
«ازاپتاۋعا، وتباسىنداعى زورلىق-زومبىلىققا جول بەرمەۋ، قۇقىق قورعاۋشىلار مەن جۋرناليستەرگە قولداۋ جاساۋ جانە باسقا دا ماسەلەلەر تالقىلاندى»، - دەدى ا. لاستايەۆ.
ونىڭ ايتۋىنشا، ادام قۇقىعى جونىندەگى جوعارى كوميسسار ق ر پرەزيدەنتى جاريالاعان ادىلەتتى قازاقستاندى قۇرۋ باعىتىنداعى كونستيتۋتسيالىق رەفورمالارعا قاتىستى وڭ پىكىرىن ءبىلدىردى.
بۇدان بۇرىن حابارلانعانداي، ادام قۇقىقتارى جونىندەگى ۋاكىل قازاقستاندا «شەتەل اگەنتتەرى» تۋرالى زاڭدى ەنگىزۋ قاراستىرىلماعىنان ايتتى.
