قازاقستانعا ەۋروپادان دا، ا ق ش- تان دا سانكسيا تۋرالى رەسمي حابارلاما تۇسكەن جوق –س ءى م
«باتىس باسىلىمدارى رەسەيگە ساتۋعا سانكتسيا سالىنعان گادجەت، ميكروچيپ سياقتى تاۋارلاردىڭ قازاقستان ارقىلى تاسىمالدانۋى كۇرت كوبەيگەنىن ايتىپ وتىر. بۇل باسىلىمدار «قازاقستان رەسەيگە سانكسيالاردى اينالىپ وتۋگە كومەكتەسىپ جاتقان جوق پا؟»، - دەپ سۇرادى جۋرناليست.
ايبەك سمادياروۆتىڭ ايتۋىنشا، رەسمي ورگانداردان ونداي حابارلاما كەلمەگەن.
«قازاقستان مەن ا ق ش اراسىندا ارنايى كوميسسيا بار، ساۋدا مينيسترلىگى جۇرگىزەدى. ەگەر ءبىر قازاقستاندىق كومپانيا رەسەيدىڭ ءبىر كومپانياسىمەن كەلىسسوز وتكىزىپ نەمەسە كەلىسىمشارتقا قول قويۋ جوسپارلانىپ جاتسا، سول كوميسسيا الدىن الا اقپارات بەرەدى. «بۇل كەلىسىمشارتقا قول قويۋدىڭ قاجەتى جوق، ويتكەنى سانكسياعا ۇشىرايسىزدار»، - دەپ الدىن الا مالىمەت بەرەدى. سوندىقتان، قازىرگى تاڭدا قازاقستاننىڭ ءبىر دە ءبىر كومپانياسى سانكسياعا ۇشىراعان جوق. ويتكەنى ءبىز بۇل ماسەلە بويىنشا تياناقتى جۇمىس جۇرگىزىپ كەلە جاتىرمىز»، - دەدى ول.
سونداي-اق س ءى م رەسمي وكىلى اتالعان مالىمەتتەر تەكسەرىلەتىنىن اتاپ ءوتتى.
«ەندى باسىلىمداردىڭ مالىمەتىن، ارينە، ءبىز باتىس ارىپتەستەرىمىزبەن بىرگە تەكسەرەمىز. قازىرگى تاڭدا نە ەۋروپادان، نە ا ق ش- تان رەسمي تۇردە قانداي دا ءبىر ونداي حابارلاما تۇسكەن جوق»، - دەدى ايبەك سمادياروۆ.
