قازاقستاندىق كىشكەنتاي بلوگەر ءامينا مالعاجدار جوعارى ماراپاتقا يە بولدى

الەمدىك سۋپەر جۇلدىزدارمەن قاتار، Nickelodeon Kids' Choice Awards ماراپاتتارىن ايماقتىق نوميناتسيالاردا الەمنىڭ ءتۇرلى ەلدەرىنەن قاتىسقان ينفليۋەنسەرلەر دە الدى.

وسى جىلى اتالمىش جۇلدەنىڭ تاريحىندا العاش رەت «سۇيىكتى قازاقستاندىق ينفليۋەنسەر» نوميناتسياسىندا داۋىس بەرۋ جۇرگىزىلدى. جۇلدە ءامينا مالعاجدارعا (امينكا ۆيتامينكا) بۇيىردى. YouTube جەلىسىندە امينكانىڭ جۇمىسىن 5,52 ميلليون ادام باقىلايدى، ال ونىڭ Instagram پاراقشاسىندا 1,3 ميلليون وقىرمانى بار.

«مەن ءۇشىن بۇل ماراپاتتىڭ ءمانى ەرەكشە، سەبەبى Nickelodeon ارناسى شىعارماشىلىعىمدى دامىتۋعا قاناتتاندىردى. بىردە Nickelodeon-دى كورىپ وتىرىپ اناما: «مەنى دە تەلەديداردان كورسەتسە ەكەن»، - دەدىم. ءدال وسى سوزدەن كەيىن اتا-انام مەنىڭ بالا كۇنگى ارمانىمدى ورىنداۋ ءۇشىن قولدان كەلگەننىڭ ءبارىن جاسادى. مەنى قولداپ، داۋىس بەرگەندەردىڭ بارلىعىنا العىس ايتامىن»، - دەيدى ءامينا مالعاجدار.

بۇعان دەيىن سالتاناتتى ءراسىم تاريحىندا العاش رەت قازاقستاننان «سۇيىكتى قازاقستاندىق ينفليۋەنسەرلەر» نوميناتسياسى بويىنشا ءتورت ۇمىتكەر: الينا كيم (Homa)، امينا مالگاجدار (امينكا ۆيتامينكا)، جاسمين سايدەلدينوۆا (Jessysclick) جانە باتىر (Batyr White) سايىسقا تۇسەتىنى حابارلانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى