الماتى وبلىسىندا قار كوشكىنى ءجۇردى
باسپا ءسوز قىزمەتىنىڭ مالىمەتتەرىنە قاراعاندا، 2023-جىلدىڭ 9- ناۋرىزى كۇنى ساعات 10:30 دا الماتى وبلىسىنىڭ توتەنشە جاعدايلار دەپارتامەنتى ەڭبەكشىقازاق اۋدانىندا ەسىك وزەنى باسسەينىنىڭ شاتقالى ارقىلى وتەتىن وبلىستىق ماڭىزى بار «ەسىك قالاسى - ەسىك وزەنى» اۆتوجولىندا تاۋ بەتكەيلەرىندەگى قار جامىلعىسىنىڭ تۇراقسىز بولۋىنا بايلانىستى جەتى جەردە قار كوشكىنى وزدىگىنەن تۇسكەن. كوشكىننىڭ جالپى كولەمى 428,2 تەكشە مەتر.
قار كوشكىنى وبلىستىق ماڭىزى بار «ەسىك قالاسى - ەسىك وزەنى» اۆتوجولىن جاۋىپ تاستادى. زارداپ شەككەندەر مەن قيراندىلار جوق.
بۇل اۆتوجولدى تازارتۋ جۇمىستارى 2023-جىلدىڭ 10- ناۋرىزىندا جۇرگىزىلە باستايدى. كوشكىن بولعان جەرگە «قازسەلدەنقورعاۋ» م م- ءنىڭ 3 قىزمەتكەرى جانە 1 تەحنيكاسى، ت ج دەپارتامەنتىنىڭ 1 قىزمەتكەرى مەن 1 تەحنيكاسى شىقتى.
ازاماتتاردىڭ قاۋىپسىزدىگى جانە اۆتوكولىك جول قوزعالىسىن توقتاتپاۋ ماقساتىندا الماتى وبلىسىنىڭ «جولاۋشىلار كولىگى جانە اۆتوموبيل جولدارى باسقارماسى» م م- ءنىڭ 2022-جىلعى 7- قاراشاداعى حاتىنا سايكەس ەسىك قالاسى - ەسىك وزەنى اۆتوجولىنىڭ 7 كيلومەترىنەن 15 كيلومەترىنە دەيىنگى، سونداي-اق تۇرگەن- باتان اۋىلى - اسى وبسەرۆاتورياسى اۆتوجولىنىڭ 20 كيلومەترىنەن 41 كيلومەترىنە دەيىنگى ارالىق 2023-جىلعى 31- ناۋرىزعا دەيىن جابىق.
شىعىس قازاقستان وبلىسىندا بولعان مول جاۋىن-شاشىن، جەل جانە تەمپەراتۋرالىق فوننىڭ كوتەرىلۋى قار كوشكىنى ءقاۋپى بار بەتكەيلەردەن قاردىڭ ءتۇسۋ قاۋىپ-قاتەرىن تۋعىزدى. «قازسەلدەنقورعاۋ» ش ق فيليالىنىڭ ماماندارى كوشكىننىڭ وزدىگىنەن ءتۇسۋىنىڭ الدىن الۋ ماقساتىندا «وسكەمەن-التاي» اۆتوجولىنىڭ 61-62 شاقىرىمىندا قاردى پروفيلاكتيكالىق تۇسىرۋلەر جۇرگىزدى.
«اۆتوجولعا كوشكىن ءتۇسۋ قاۋپىنە بايلانىستى ءبىز 5 رەت جالپى كولەمى 23700 تەكشە مەتر قار تۇسىردىك. قار ماسساسى جولدى تولىعىمەن جاۋىپ تاستادى. قازاۆتوجول قىزمەتكەرلەرى اۆتوجولدى تازارتۋدا. ءبىز ءوز تاراپىمىزدان قار كوشكىنىنىڭ الدىن الۋ بويىنشا جۇمىس جۇرگىزدىك، ازاماتتارعا تاۋدا بولعان كەزدە ەرەجەلەردى ساقتاۋعا كەڭەس بەرەمىز. كوشكىن ءقاۋپى بار وشاقتاردان ءوتىپ بارا جاتقاندا وتە مۇقيات بولۋىڭىز كەرەك، ولاردىڭ جانىندا توقتاماڭىز. جاۋىن- شاشىن كوپ جاۋعان كەزدە قار كوشكىنىنىڭ ءتۇسۋ قاۋپى ارتادى» - دەپ قازسەلدەنقورعاۋ ش ق فيليالىنىڭ باسشىسى ومار دۇزگىمبايەۆ ايتتى.
