قازاقستان ب ۇ ۇ- نى دەپۋتاتتار سايلاۋىن مونيتورينگىلەۋگە شاقىردى

بۇل تۋرالى سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ ايتتى، دەپ حابارلايدى قازاقپارات ءتىلشىسى.

«وتكەن جىلى پرەزيدەنت قاسىم-جومارت توقايەۆ ەلىمىزدىڭ مۇنان ارى دامۋى ءۇشىن جاڭا الەۋمەتتىك-ەكونوميكالىق نەگىز جاسايتىن ءبىرقاتار ماڭىزدى باستامانى جاريا ەتتى. جاڭا قازاقستان قۇرۋ اياسىندا ءبىز ينكليۋزيۆتى ەكونوميكالىق ءوسىم جاساۋىمىز، ساياسي رەفورمالار جۇرگىزۋىمىز، ماكروەكونوميكالىق تۇراقتىلىققا كەپىلدىك بەرۋىمىز جانە كاسىپكەرلىكتى دامىتۋىمىز قاجەت. وتكەن جىلدىڭ قاراشاسىندا پرەزيدەنتتىك سايلاۋدى ءساتتى وتكىزگەننەن كەيىن كەلەسى اپتادا - 19 ناۋرىزدا وتەتىن پارلامەنتتىك سايلاۋعا جاقىنداپ قالدىق. سوندىقتان سىزدەردى الداعى سايلاۋدى مونيتورينگىلەۋگە بەلسەندى قاتىسۋعا شاقىرامىز»، - دەدى قايرات وماروۆ ەلوردادا «قازاقستانداعى بىرىككەن ۇلتتار ۇيىمىنا 30 جىل جانە ب ۇ ۇ- نىڭ 2021-2025-جىلدارعا ارنالعان تۇراقتى دامۋ ىنتىماقتاستىعى شەڭبەرىنىڭ باسقارۋشى كوميتەتى» تاقىرىبىندا وتكەن ءىس-شارا بارىسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى