پرەزيدەنت ب ق و- عا ەڭبەگى سىڭگەن ازاماتتارمەن جۇزدەستى
ولاردىڭ اراسىندا ءوڭىردىڭ دامۋىنا ۇلەس قوسىپ جۇرگەن سالا ماماندارى مەن وقىس وقيعالار كەزىندە بەلسەندىلىك تانىتىپ، ازاماتتىق ۇلگى كورسەتكەن كىسىلەر دە بار.
پرەزيدەنت ءوڭىر بەلسەندىلەرىمەن پىكىر الماستى. ول بۇگىن ايماقتىڭ تىنىس-تىرشىلىگىمەن تانىسىپ جۇرگەنىن ايتتى. سونداي-اق مەملەكەت باسشىسى باتىس قازاقستاندى ەلىمىزدىڭ دامۋى ءۇشىن ماڭىزدى ايماق دەپ اتاپ ءوتتى.
«وبلىستىڭ الەۋەتى زور. ەلىمىزدە اۋقىمدى جۇمىستار اتقارىلىپ جاتىر. وسىنداي كەزەڭدە ءبىز ءۇشىن ەڭ قۇندى نارسە - بەيبىتشىلىك. وسى جولدا ءبارىمىز ءبىر ەل بولىپ ەڭبەك ەتسەك، ەشقانداي كەدەرگى بولمايدى. بىرلىگىمىز بەكەم بولسا، توسقاۋىلدىڭ ءبارىن ەڭسەرەمىز»، - دەدى قاسىم-جومارت توقايەۆ.
مەملەكەت باسشىسى كەزدەسۋگە قاتىسقان عالىمدارعا، جاستارعا، ەڭبەك ادامدارىنا قولداۋ كورسەتىلەتىنىن جەتكىزدى. سونىمەن قاتار پرەزيدەنتتىك جاستار كادرلىق رەزەرۆى الەۋمەتتىك ليفت رەتىندە جۇمىس ىستەي باستاعانىن اتاپ ءوتتى.
ايتا كەتەيىك، پرەزيدەنتكە «اتامەكەن» ونەر ورداسىندا ءوڭىردىڭ تاريحىنا ارنالعان كورمەدە جاڭگىر حاننىڭ بىرەگەي جادىگەرلەرى تانىستىرىلدى.
