قىتاي قاۋىپسىزدىك شاراسىن كۇشەيتپەك

بۇل جينالىستىڭ رەسمي بەيجىڭ ءۇشىن ماڭىزى زور. الەمدىك گەوساياسي جاعداي كۇردەلەنگەن تۇستا كورشى مەملەكەت قاۋىپسىزدىك شاراسىن كۇشەيتۋگە مۇددەلى، دەپ حابارلايدى «حابار 24».

بەيجىڭدە سوڭعى كۇندەرى قاۋىپسىزدىك سالاسىنا ەرەكشە ءمان بەرىلدى. ونىڭ باستى سەبەبى - قىتاي استاناسىنىڭ نازارىن اۋدارعان جىلدىڭ باستى ىشكى ساياسي وقيعاسى - «ەكى سەسسيا». بۇل - بيلىك جۇمىسىن قورىتىندىلاۋ جانە بولاشاققا ارنالعان مىندەتتەردى انىقتاۋ. ماسەلەن، ج ءى ءو وسىمدىك كورسەتكىشى % 5 دەپ جاريالاندى.

لي كىشياڭ، ق ح ر ۇكىمەتىنىڭ باسشىسى:

- تۇتىنۋدى قالپىنا كەلتىرۋ جانە كەڭەيتۋ اسا ماڭىزدى. قالا جانە اۋىل حالقىنىڭ تابىسىن ارتتىرۋ، ينۆەستيتسيالار مەن ىنتالاندىرۋ شارالارى بۇكىل قوعامدى وڭ وزگەرىستەرگە الىپ كەلۋى ءتيىس. قورشاعان ورتا لاستانۋىنىڭ الدىن الۋ قاجەت. قالادا جانە اۋىلدا ەكولوگيالىق ينفراقۇرىلىم قۇرىلىسىن كۇشەيتۋ، اسا ماڭىزدى ەكوجۇيەلەردى قورعاۋ جانە قالپىنا كەلتىرۋ بويىنشا ءىرى جوبالاردى دايەكتى تۇردە جۇزەگە اسىرۋ ماقساتى تۇر. كومىردى ەكولوگيالىق تازا پايدالانۋ بويىنشا جۇمىستى كۇشەيتۋ، جاڭا ەنەرگيا كوزدەرىنىڭ جۇيەسىن قالىپتاستىرۋ قاجەت.

وتكەن جىلى قىتاي ەكونوميكاسى % 5,5- كە ءوسۋى ءتيىس ەدى. الايدا كورسەتكىش % 3- تەن اسپادى. ساراپشىلار بۇل ماقساتقا بيىل جەتەتىنە سەنىمدى.

الەم جۇرتشىلىعىن تولعاندىراتىن تاعى ءبىر ماسەلە - اسكەري شىعىندار. بيىل بۇل ماقساتتارعا 225 ميلليارد دوللار جۇمسالدى. جەرگىلىكتى قورعانىس مينيسترلىگى قاراجات تەك ۇلتتىق ەگەمەندىك پەن قاۋىپسىزدىكتى قورعاۋعا باعىتتالالى دەيدى.

ۇكىمەت سونىمەن قاتار شەتەلدىك ينۆەستيتسيالاردى قارقىندى تۇردە تارتۋعا جانە يۋاننىڭ باعامىن ساقتاۋعا نيەتتى. 12 ميلليونعا جۋىق جاڭا جۇمىس ورنى اشىلادى، - دەپ ۋادە ەتتى.

سونىمەن بيىلعى «ەكى سەسسيانىڭ» دەگەن قىزىعۋشىلىق ەرەكشە. سەبەبى ول قىتاي كومپارتياسىنىڭ XX سەزىنەن كەيىن ءوتىپ جاتىر. سونداي-اق ق ح ر ءتوراعاسى شي جينپيڭ ءۇشىنشى مەرزىمگە قايتا سايلانادى دەپ كۇتىلىپ وتىر. 5 جىل بۇرىن كونستيتۋتسياعا ەنگەن وزگەرىستى ەسكەرسەك، بۇل بولجامنىڭ جۇزەگە اسۋى ابدەن مۇمكىن.

اۆتورلارى: سىمبات عالىمجان قىزى، بوتاگوز سىرعابايەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى