الەمنىڭ ۇزدىك جاعاجايلارى اتالدى

باس جۇلدە برازيليانىڭ فەرناندۋ-دي-نورونيا توپارالىندا ورنالاسقان بايا-دۋ-سانچو (Baia do Sancho) جاعاجايىنا بۇيىردى. سيپاتتامادا ونىڭ الىستا ەكەنى جانە وعان تەك تاس باسپالداقتارمەن جاياۋ تومەن ءتۇسۋ ارقىلى جەتۋگە بولاتىنى ايتىلعان.

ەكىنشى ورىندا ارۋبانىڭ ەڭ جۇمساق اق قۇمدى جاعاجايى سانالاتىن يگل بيچ (Eagle Beach) تۇر. سيپاتتاماعا سايكەس، وندا سۋ ءموپ-ءمولدىر جانە سۋ تۇبىندە تاستار نەمەسە بالدىرلار جوق. ءتىزىمنىڭ ءۇشىنشى ورنىن اۋستراليانىڭ كەيبل بيچ (Cable Beach) جاعاجايى يەلەندى. مۇندا ادامدار كوپ ەمەس جانە قۇمدى جاعاجاي رەتىندە بەلگىلى. ساياحاتشىلار بۇل مەكەندى جۇزۋگە جانە كۇننىڭ باتۋىن كورۋگە لايىقتى مەكەن دەپ اتاعان.

سونىمەن قاتار، رەيتينگتە الەمنىڭ ءار تۇكپىرىندەگى تاعى 22 ورىن بار. ولاردىڭ قاتارىندا رەينيسفيارا جاعاجايى (Reynisfjara Beach) يسلانديادا، گرەيس شىعاناعى (Grace Bay Beach) پروۆيدەنتسيالەس، فالەزيا (Praia da Falesia) پورتۋگاليادا، رادحاناگار (Radhanagar Beach) اندامان مەن نيكوبار ارالدارىندا، يزولا-دەي-كونيلي (Spiaggia dei Conigli) سيسيليادا جانە باسقالارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى