تۇركياعا بارعان قازاقستاندىق قۇتقارۋشىلار اقشالاي سىياقىمەن ماراپاتتالا ما
«قۇتقارۋشىلار اقشالاي سىياقى المايدى. مەن بۇعان دەيىن قۇتقارۋشىلاردىڭ زاڭنامادا بەلگىلەنگەن تارتىپپەن شەتەلدىك ءىس ساپارلار اياسىندا الاتىن قاراجاتى تۋرالى ايتقان بولاتىنمىن»، - دەپ جاۋاپ بەردى يۋري يلين ب ا ق وكىلدەرىنىڭ ساۋالىنا وراي.
بۇل رەتتە مينيستر ۆەدومستۆو قىزمەتكەرلەرىنىڭ جالاقىسى وسەتىنىن اتاپ ءوتتى.
«ۇكىمەتتىڭ قاۋلىسىنا سايكەس، قازىر بىزدە جالاقى ءوسىپ جاتىر. باسشىلىق قۇرامنىڭ ەڭبەكاقىسى تومەنگى مولشەرمەن وسەتىن بولسا، جالپى قۇرام قىزمەتكەرلەرىنىڭ جالاقىسى بىردەن %70 دەيىن ۇلعايادى. قىزمەتكەر العاشقى كەزەڭدە شامامەن 110 مىڭ تەڭگە الادى. ەندى ولار 179-180 مىڭ تەڭگە كولەمىندە الادى دەپ ۇمىتتەنەمىز»، - دەدى مينيستر.
ەسكە سالايىق، بۇعان دەيىن توتەنشە جاعدايلار ۆيتسە-ءمينيسترى يبراگيم كۇلشىمبايەۆ تۇركياعا بارعان قۇتقارۋشىلاردىڭ بارىنە مينيسترلىك بيۋجەتىنەن اقشالاي سىياقى تولەنەتىنىن ايتىپ ەدى.
