ءانۋار جانعوزين «نازاربايەۆ زياتكەرلىك مەكتەپتەرى» د ب ب ۇ باسقارما ءتوراعاسى لاۋازىمىنا تاعايىندالدى
بۇل تۋرالى باسقارما ءتوراعاسىنىڭ ءوزى Facebook پاراقشاسىندا جازدى، دەپ حابارلايدى قازاقپارات.
«بۇگىن «نازاربايەۆ زياتكەرلىك مەكتەپتەرى» د ب ب ۇ قامقورشىلىق كەڭەسىنىڭ شەشىمىمەن باسقارما ءتوراعاسى لاۋازىمىنا تاعايىندالدىم. بۇل ۇيىمدا 15 جىل بۇرىن ەڭبەك جولىمدى باستاپ، بىرەگەي تاجىريبە الۋ مۇمكىندىگىنە يە بولدىم. العان ءبىلىمىمدى كەيىن ءتۇرلى مەكەمەلەردە قىزمەت اتقارۋ بارىسىندا قولداندىم. ەندى زياتكەرلىك مەكتەپتەردى ودان ءارى دامىتۋعا باعىتتالعان جۇمىسقا كىرىسىپ وتىرمىن»، - دەپ جازدى ول.
سونداي-اق ول قامقورشىلىق كەڭەس مۇشەلەرىنە جانە ءبىلىم سالاسىنداعى ۇستازىم كۇلياش نوعاتاي قىزى ءشامشيدينوۆاعا وسىنداي ۇلكەن سەنىم بىلدىرگەن ءۇشىن شىنايى العىس بىلدىرەتىنىن ايتتى.
«ادەتتەگىدەي، اتقارىلىپ جاتقان جۇمىس ناتيجەلەرىمەن جانە باسقا دا ماڭىزدى اقپاراتپەن ءوز پاراقشامدا ۇنەمى حابارلاپ وتىرۋعا تىرىسامىن»، - دەدى.
