جازۋشى مارياننا ۋيليامسون ا ق ش- تاعى پرەزيدەنتتىك سايلاۋعا تۇسەدى
بىرنەشە بەستسەللەر اۆتورى 2020 -جىلعى ءساتسىز ناۋقاننان كەيىن ەكىنشى رەت باق سىناپ كورمەكشى، دەپ حابارلايدى قازاقپارات CNN- گە سىلتەمە جاساپ.
قايتا سايلانۋعا نيەتتى ەكەنىن ايتىپ قويعان، ءبىراق ءالى رەسمي مالىمدەمە جاساماعان قازىرگى پرەزيدەنت دجو بايدەنگە قارسى دەموكراتتار پارتياسىنان ۋيليامسون ۇمىتكەر بولادى.
«مەن بۇعان دەيىن دە پرەزيدەنت سايلاۋىندا داۋىسقا تۇسكەنمىن»، - دەپ مالىمدەدى ۋيليامسون جاقتاستارىنا ۆاشينگتونداعى ناۋقانىن باستاعان كەزدە.
ۋيليامسون شامامەن 20 مينۋت سويلەدى، ۇمىتكەر ەكونوميكالىق جانە الەۋمەتتىك ادىلەتسىزدىككە، سونداي- اق ۆاشينگتونداعى جەمقورلىققا باسىمدىق بەردى.
دەموكراتيالىق پارتيا اتىنان ۇمىتكەر ءوزىنىڭ بۇعان دەيىنگى ناۋقانىندا الەۋمەتتىك قورعاۋ باعدارلامالارىن كەڭەيتىپ، قۇلداردىڭ ۇرپاقتارىنا تيگىزگەن زيان ءۇشىن وتەماقى تولەۋ كەرەك ەكەنىن مالىمدەگەن.
سونىمەن قاتار رەسپۋبليكالىق پارتيا مۇشەلەرى دە بايدەنمەن كۇرەسۋ مۇمكىندىگىنە كەزەككە تۇرىپ جاتىر. نەگىزگى قارسىلاس - ەكس- پرەزيدەنت دونالد ترامپ.
وڭتۇستىك كارولينانىڭ بۇرىنعى گۋبەرناتورى جانە ب ۇ ۇ- داعى ا ق ش ەلشىسى نيككي حەيلي، بيوتەحنولوگيا جانە دەنساۋلىق ساقتاۋ سالاسىندا جۇمىس ىستەيتىن كاسىپكەر ۆيۆەك راماسۆامي ا ق ش پرەزيدەنتىنە ۇمىتكەر رەتىندە تىركەلۋ جوسپارى بار ەكەنىن مالىمدەدى.
