ەۋرووداق زياندى قالدىق شىعاراتىن كولىكتەرگە قويىلعان تىيىمدى الىپ تاستادى

جۇما كۇنى مۇشە ەلدەر بۇل كەلىسىمدى راتيفيكاتسيالاۋعا داۋىس بەرۋدى كەيىنگە قالدىردى، دەپ حابارلايدى قازاقپارات Euronews اگەنتتىگىنە سىلتەمە جاساپ.

ءتورت ەل - گەرمانيا، يتاليا، پولشا مەن بولگاريا مۇنداي تىيىمنىڭ سالدارىنا الاڭدايتىنىن ءبىلدىردى. بەرلين جاڭارتىلاتىن كوزدەردەن الىنعان سينتەتيكالىق وتىنمەن جۇمىس ىستەيتىن اۆتوكولىكتەردى بۇل تىزىمگە قوسپاۋدى، بريۋسسەلدەن ءماتىندى وزگەرتۋدى سۇرادى. باسقا ەلدەر ەلەكتروكارعا كوشۋ مۇمكىن ەكەنىنە سەنبەيدى.

ەۋروكوميسسيا وكىلى دانا سپينانت «ءبىز ارى قاراي قاي جولمەن جۇرگەن دۇرىس ەكەنىن شەشۋ جانە ءتۇرلى ساۋالدارعا جاۋاپ بەرۋ ءۇشىن ءوزىمىز دە مۇنداي قاۋىپ- قاتەردى انىق ءتۇسىنىپ الۋىمىز كەرەك» دەيدى.

زياندى سورعىشتى نولگە جەتكىزۋ - عاسىر ورتاسىنا قاراي كليمات بەيتاراپتىعىنا قول جەتكىزەتىن نەگىزگى شارالاردىڭ ءبىرى. ەۋروپا پارلامەنتى ونى وتكەن ايدا داۋىس بەرۋشىلەردىڭ ءسال عانا باسىمدىعىمەن ماقۇلدادى. سودان كەيىن زاڭناما ناقتى بەكىتۋ ءۇشىن مۇشە- ەلدەرگە بەرىلدى. سول كەزدە جانارماي مەن ديزەل وتىنىمەن جۇرەتىن كولىكتەردەن باس تارتۋ تۋرالى شەشىمگە قاتىستى داۋ تۋدى. بريۋسسەل 2035 -جىلدان باستاپ ەو نارىعىندا ساتىلاتىن بارلىق كولىكتەردىڭ كومىرقىشقىل گازى قالدىقتارىن %100 عا قىسقارتۋدى كوزدەپ وتىر.

ەۋروكوميسسيا مۇنداي قىسقا مەرزىمدى ايتقان سەبەبى اۆتوكولىكتەردىڭ ورتاشا قىزمەت ەتۋ ۋاقىتى 15 جىل، ال ەو ەلدەرىنىڭ «جاسىل كەلىسىمى» جالپى ەكونوميكا، ونىڭ ىشىندە كولىكتىڭ دە 2050 -جىلعا قاراي ەكولوگيالىق تازا بولعانىن قالايدى.

بىلتىر يتاليا، پورتۋگاليا، سلوۆاكيا، بولگاريا مەن رۋمىنيا ينفراقۇرىلىمدى ەلەكتر كولىگىنە ىڭعايلاستىرۋعا ۇزاعىراق ۋاقىت بەرۋ ءۇشىن تىيىمدى 2035 -جىلدان 2040 -جىلعا اۋىستىرۋعا شاقىردى.

داۋىس بەرۋ ۋاقىتىن كەيىنگە قالدىرۋ تۋرالى شەشىمدى ەو- تا ءتوراعالىق ەتىپ وتىرعان شۆەتسيا قابىلدادى. ول مۇشە ەلدەر «ۋاقىتى كەلگەندە» بۇل ماسەلەگە قايتا ورالاتىنىنا ۋادە بەرىپ، ناقتى مەرزىمىن ايتقان جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى