انتاركتيدانىڭ تۇبىندە دامىعان وركەنيەت وكىلدەرى تۇراتىن قالا بار - كونسپيرولوگيا
Stopfake.kz سايتى بۇل كونسپيرولوگيا ەكەنىن دالەلدەپ جازدى، دەپ حابارلايدى قازاقپارات.
انتاركتيداداعى جەر استىنداعى جاسىرىن قالا تۋرالى بۇعان دەيىن دە ايىتىلعان. 1818 -جىلى امەريكالىق دجون سيممس جەردىڭ ءىشى قۋىس، ال پلانەتانىڭ استىندا كليماتى جۇمساق مەن جەمىستەر وسەتىن كەرەمەت قالالارعا كىرەتىن جەرلەر سولتۇستىك جانە وڭتۇستىك پوليۋستەردە ورنالاسقان دەگەن تەوريانى العا تارتتى.
سودان كەيىن سيممس پەن ونىڭ ءىزباسارلارى پوليۋستەرگە ىرنەشە رەت ەكسپەديتسيا جاساقتاعان، ءبىراق جەر استىنا كىرەتىن جەرلەردى تابا المادى.
ⅩⅩ عاسىردىڭ باسىنا دەيىن انتاركتيدا كارتادا اق نۇكتەمەن عانا بەلگىلەندى. عالىم دجەيمس ەيتستىڭ ارقاسىندا ادامدار وسى قۇرلىقتىڭ كونتۋرىنان حاباردار بولدى. ءبىراق ميفتەر مەن ۇزىك- ۇزىك دەرەكتەردەن باسقا، تولىق جانە ناقتى اقپارات جوق ەدى. دەرەكتەر ەكىنشى دۇنيەجۇزىلىك سوعىس اياقتالعاننان كەيىن عانا جينالدى. 1947 -جىلى ا ق ش- تان شىققان ۇلكەن ەكسپەديتسيا انتاركتيدا جاعالاۋىنا كەلىپ توقتايدى، ال 1956 -جىلى كەڭەس وداعىنىڭ عالىمدارى بارادى.
قازىرگى ۋاقىتتا انتاركتيدادا الەمنىڭ 30 ەلىنىڭ 82 زەرتتەۋ بازاسى ورنالاسقان. عالىمدار وندا جىل بويى تۇرادى جانە جۇمىس ىستەيدى. وسى جىلدار ىشىندە جەر استى الەمىنە كىرەتىن جەرلەر نەمەسە ولاردىڭ بار ەكەنىنە دالەلدەر تابىلعان جوق.
جوعارىدا ايتىلعانداردى قورىتىندىلاساق، ياكوۆ بليۋمكين وڭتۇستىك پوليۋستە ورنالاسقان جەر استىنداعى قالا تۋرالى بۇرىننان بار تەوريانى قايتالاپ ايتقان. سوڭعى 70 جىلدا قۇرلىقتا زەرتتەۋلەر بەلسەندى جۇرگىزىلگەنىنە قاراماستان، ءجۇز جىلعا جۋىق ۋاقىت ىشىندە وعان كىرەتىن جەرلەر مەن ونىڭ استىنداعى قالانىڭ بار ەكەندىگىنە دالەلدەر تابىلعان جوق. دەمەك، انتاركتيدا تۇبىندەگى دامىعان وركەنيەت تۋرالى تەوريا - ەسكى ميف جانە كونسپيرولوگيا.
