ليونەل مەسسيگە ارگەنتينالىق ەسىرتكى كارتەلى قوقان- لوقى كورسەتتى
بەيسەنبى كۇنى تاڭەرتەڭ موتوتسيكلدەگى ەكى ادام مەسسي تۋىپ وسكەن روساريو قالاسىنداعى ازىق- تۇلىك دۇكەنىنىڭ تەرەزەسى مەن ەسىگىنە ون ءتورت رەت وق اتقان.
فۋتبولشىنىڭ جۇبايىنىڭ وتباسىنا تيەسىلى دۇكەنگە جاسالعان شابۋىلدان ەشكىم زارداپ شەككەن جوق.
پوليتسيا شابۋىلداعان ادامدار كارتون قاعازعا قوقان- لوقى كورسەتىپ جازبا قالدىرعانىن حابارلادى. وندا بىلاي دەلىنگەن: «مەسسي، ءبىز سەنى كۇتەمىز. ياۆكين - ەسىرتكى ساتۋشى. ونىڭ ساعان قامقور بولاتىن ويى جوق».
تەرگەۋ ءجۇرىپ جاتىر. پابلو ياۆكين - بۋەنوس- ايرەستەن سولتۇستىككە قاراي 300 شاقىرىم جەردەگى سانتا- فە ورتالىق پروۆينتسياسىنداعى ءىرى قالانىڭ ءبىرى روساريو ءمەرى.
وسى وقيعادان كەيىن بەيسەنبى كۇنى ياۆكين جۋرناليستەرگە روساريودا زورلىق- زومبىلىقتىڭ ارتقانىن، پوليتسيا جەتىسپەيتىنىن جانە قالادا قورعانىس جوق ەكەنىن ايتتى.
2022 -جىلعى الەم چەمپيوناتىندا ارگەنتينا قۇراماسىنىڭ كاپيتانى اتانعاننان كەيىن دۇيسەنبى كۇنى فيفا- نىڭ ۇزدىك ويىنشىسى دەپ تانىلعان مەسسي دە، روساريودا تۋىپ- وسكەن ونىڭ جۇبايى دا بۇل وقيعاعا قاتىستى پىكىر بىلدىرگەن جوق.
ۇلى فۋتبولشى دەپ مويىندالعان مەسسي قازىرگى ۋاقىتتا «پاري سەن- جەرمەن» كلۋبىندا وينايدى جانە ۋاقىتىنىڭ كوپ بولىگىن شەتەلدە وتكىزەدى. دەگەنمەن تۋعان قالاسى روساريوعا دا ءجيى بارىپ تۇرادى، وندا قالا سىرتىندا ءۇيى بار.
ارگەنتينانىڭ قاۋىپسىزدىك ءمينيسترى انيبال فەرناندەس دۇكەنگە شابۋىلدى ەسىرتكى كارتەلدەرىنىڭ ءبىرى قورقىتۋ ءۇشىن جاساعان دەيدى.
35 جاستاعى مەسسي قازىرگى ۋاقىتتا بيىل مەرزىمى اياقتالاتىن «پ س ج» كلۋبىمەن كەلىسىمشارتتى قايتا قاراپ جاتىر. فۋتبول سۋپەرجۇلدىزى مانسابىن اياقتاپ، روساريوداعى جەرگىلىكتى كلۋبتاردىڭ بىرىندە ويناۋى مۇمكىن دەگەن قاۋەسەت بار.
