الماتىلىق وقۋشىلار ماتەماتيكا جانە مەحانيكا بويىنشا حالىقارالىق بايقاۋدا جەڭىسكە جەتتى

الماتى قالالىق ءبىلىم باسقارماسى تاراتقان مالىمەتكە سايكەس، بايقاۋعا تاجىكستان، قىرعىزستان جانە قازاقستاننان 150 دەن استام وقۋشى قاتىستى.

جارىس الماتىدا 1-3-ناۋرىز ارالىعىندا ءال- فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا- ماتەماتيكا فاكۋلتەتىنىڭ بازاسىندا ءوتتى.

ۇمىتكەرلەر ماتەماتيكا، قولدانبالى ماتەماتيكا، مەحانيكا جانە ەكونوميكاداعى ماتەماتيكالىق ادىستەر سىندى بىرنەشە سەكتسيا بويىنشا عىلىمي جوبا قورعادى. سايىس بارىسىندا وقۋشىلار جوباسىن تانىستىرىپ، ەرەكشەلىگىن ايتتى.

«مەكتەپ وقۋشىلارىنىڭ جەڭىسىنە ءاردايىم قۋانامىز. بۇگىن ولار تاعى دا جۇلدەلى ورىندارعا يە بولدى. ولاردى جەڭىستەرىمەن قۇتتىقتايمىز! ءبىلىم الۋعا دەگەن ىنتا ەشقاشان سونبەسىن. حالىقارالىق بايقاۋ جىل سايىن عىلىمي- زەرتتەۋگە قىزىعۋشىلىق تانىتقان دارىندى وقۋشىلاردى انىقتاۋ ءۇشىن وتكىزىلەدى. وسىلايشا، ناقتى عىلىمدى زەرتتەۋگە ىنتالاندىرامىز»، - دەدى الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا.

بايقاۋ قورتىندىسى بويىنشا، №159 گيمنازيانىڭ وقۋشىلارى اباي باعجان، جوكەن ديار جانە № 178 مامانداندىرىلعان ليتسەيدىڭ وقۋشىلارى مۇقاش ەرمۇحان، اۋباكىر ىڭكار جەڭىمپاز اتاندى.

ال № 178 مامانداندىرىلعان ليتسەيدىڭ ەكى وقۋشىسى - جالعاسبەك ادال جانە اياجان ماراتوۆا كۇمىس جۇلدەگەر اتاندى.

ءۇشىنشى ورىندى №159 گيمنازيانىڭ وقۋشىلارى ەراسىل ەسەنگەلدين، نۇرالى ورالبەكوۆ، جانبوتا داۋلەنحان جانە №39 مامانداندىرىلعان ليتسەيدىڭ وقۋشىسى ولجاس مايسى ۇلى يەلەندى. №83 گيمنازيانىڭ وقۋشىسى اياۋلىم شاياحمەت قاتىسقانى ءۇشىن گراموتا الدى.

ايتا كەتەيىك، بىلتىر 70 كە جۋىق الماتىلىق وقۋشى حالىقارالىق بايقاۋلارعا قاتىسىپ، 43 وقۋشى جۇلدەلى ورىنان كورىنگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى