قىرعىزستان مەملەكەتتىك تۋ كۇنىن اتاپ ءوتىپ جاتىر
قىرعىزستان پرەزيدەنتى سادىر جاپاروۆ قىرعىزستاندىقتاردى مەرەكەمەن قۇتتىقتاپ، حالقىنا بەيبىتشىلىك، اماندىق، مولشىلىق، اشىق اسپان مەن جارقىن بولاشاق تىلەدى.
مەملەكەتتىك تۋ 1992-جىلدىڭ 3- ناۋرىزىندا قىرعىز رەسپۋبليكاسى جوعارعى كەڭەسىنىڭ جارلىعىمەن بەكىتىلدى. مەرەكە ق ر پرەزيدەنتىنىڭ 2009-جىلدىڭ 10- ماۋسىمىنداعى «قىرعىز رەسپۋبليكاسىنىڭ مەملەكەتتىك تۋى» جارلىعىمەن بەكىتىلدى جانە 2010-جىلدىڭ 3- ناۋرىزىنان باستاپ اتاپ وتىلەدى.
ونىڭ اۆتورلارى - قىرعىزستاننىڭ تانىمال ارحيتەكتورلارى مەن سۋرەتشىلەرى - ەدىل ايداربەكوۆ، بەكبوسۋن جايچىبەكوۆ، سابىر يپتاروۆ، ءجۇسىپ ماتايەۆ جانە ماماتبەك سىدىقوۆ.
مەملەكەتتىك تۋ قىزىل تىكبۇرىشتى ماتادان تۇرادى، ونىڭ ورتاسىندا التىن تۇستەس قىرىق ساۋلەسى بار دوڭگەلەك كۇن ديسكىسى جانە قىزىل ءتۇستى قىرعىز كيىز ءۇيىنىڭ سيمۆولى تۇندىك بەينەلەنگەن.
قىزىل ءتۇس قايرات پەن باتىلدىقتى بىلدىرەدى، التىن تۇستەس كۇن تىنىشتىق پەن بايلىق بەلگىسى، شەڭبەرگە بىرىكتىرىلگەن 40 ساۋلە ەجەلگى 40 تايپانىڭ ءبىر قىرعىزستان بولىپ بىرىككەنىن اڭعارتادى، ال تۇندىك تۋعان وشاق سيمۆولى، تەرەڭنەن ويلاساق الەمدەگى بەيبىتشىلىكتى بىلدىرەدى.
