اۋىرعان جاعدايدا قانشا كۇنگە انىقتاما الۋعا بولاتىنى ايتىلدى
زاڭگەر نادەجدا گەلدت قازاقستاندا قىزمەتكەرلەر اۋىرعان جاعدايدا قانشا كۇنگە انىقتاما الىپ، جۇمىستان قالا الاتىنىن ايتتى، - دەپ حابارلايدى Tengri Lifestyle.
زاڭگەردىڭ ايتۋىنشا، ق ر ەڭبەك كودەكسىندە جىلىنا ناقتى قانشا رەت اۋىرعانى تۋرالى انىقتاما الىپ، جۇمىستان قالۋعا بولاتىنى بەلگىلەنبەگەن. ق ر ەڭبەك كودەكسىنىڭ 133-بابى 3-تارماعىنا سايكەس، ەڭبەككە ۋاقىتشا جارامسىزدىق بويىنشا الەۋمەتتىك جاردەماقى ەڭبەككە جارامسىزدىقتىڭ ءبىرىنشى كۇنىنەن باستاپ قىزمەتكەر جۇمىسقا شىققان كۇنگە دەيىن نەمەسە قازاقستان رەسپۋبليكاسىنىڭ زاڭناماسىنا سايكەس مۇگەدەكتىك بەلگىلەنگەنگە دەيىن قىزمەتكەرلەرگە تولەنەدى.
ءبىراق ق ر ەڭبەك كودەكسىنىڭ 52-بابى 20-تارماعى نەگىزىندە جۇمىس بەرۋشى ۋاقىتشا ەڭبەككە جارامسىزدىق سالدارىنان قىزمەتكەر قاتارىنان ەكى ايدان اسا جۇمىسقا كەلمەسە، سول قىزمەتكەرمەن ەڭبەك شارتىن توقتاتۋعا قۇقىلى ەكەنىن ەسكەرۋ قاجەت. ءبىراق بۇل قىزمەتكەر بالا كۇتىمى بويىنشا دەمالىستا بولعان، سونداي-اق اۋرۋى دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگان بەكىتەتىن ۇزاق مەرزىمدى ەڭبەككە جارامسىزدىعى بەلگىلەنگەندەردىڭ تىزبەسىنە ەنگىزىلگەن جاعدايلاردى قوسپاعاندا سانالادى.
«وندىرىستەن العان جاراقاتتان نەمەسە اۋرۋدان ەڭبەككە قابىلەتتىلىگىنەن ايىرىلعان قىزمەتكەردىڭ جۇمىس ورنى ونىڭ ەڭبەككە قابىلەتتىلىگى قالپىنا كەلگەنگە نەمەسە مۇگەدەكتىك بەلگىلەنگەنگە دەيىن ساقتالادى»، - دەدى «پراۆو زنات» ارناسىنىڭ اۆتورى.
قورىتىندى: جىلىنا اۋىرعانى تۋرالى الۋعا بولاتىن انىقتاما سانى شەكتەلمەيدى. ءبىراق ەكى ايدان كەيىن اۋىرعانى تۋرالى انىقتاما توقتاتىلماسا (زاڭدا كوزدەلگەن ەرەكشەلىكتەردەن باسقا)، قىزمەتكەر ونى ۇزارتادى جانە/نەمەسە جۇمىسقا شىقپاسا، جۇمىس بەرۋشى ەڭبەك شارتىن بۇزۋعا قۇقىلى.
