سيرەك دەرتكە شالدىققان قازاقستاندىق بۇلدىرشىنگە قولداۋ قاجەت
ءبىراق، شۇعىل وپەراتسيا قارىزعا جاسالعان. وسى ورايدا اتا- اناسى قازاقستاندىقتاردان نارەستەگە جاسالعان وتا قارىزىن وتەۋ ءۇشىن كومەك سۇرايدى، دەپ حابارلايدى قازاقپارات ءتىلشىسى.
«كەرەي ەسىمدى ءبۇلدىرشىن سيرەك كەزدەسەتىن، قازاقستاندا ەمدەلمەيتىن دەرتكە دۋشار بولدى. اللا تاعالا ساقتاپ، جانى امان قالدى. وتا جاساۋ (وپەراتسيا) تەك تۇركيا ماماندارىنىڭ قولىنان كەلەدى ەكەن. كەرەي باتىردىڭ ساعاتى وتكەلى تۇرعان كەزدە وپەراتسيانى قارىزعا جاساۋ دەگەن شەشىم قابىلدانعان ەكەن. جالپى كەرەك 30 ميلليون تەڭگەنىڭ جارتىسى جينالدى، ەندى 14 ميلليون تەڭگەدەن اسا سوما كەرەك. ەل بولىپ جيناپ بەرسەك جاقسى بولار ەدى. انىق- قانىعىن كەلتىرىلگەن اككاۋنت پەن تەلەفون ارقىلى بىلە الاسىز. اقپاراتتىڭ شىن ەكەنىنە ءوزىم كەپىلدىك بەرەمىن»، - دەپ جازدى Facebook قولدانۋشىسى دۋمان قوجاحمەتوۆ.
سونداي- اق، بالانىڭ اتا- اناسى وتانداستارىمىزدان ەمحانا الدىنداعى قارىزدى جابۋعا كومەكتەسۋىن سۇرايدى. ولار ءۇشىن كەز كەلگەن سوما ماڭىزدى.
«2022 -جىلدىڭ 8-جەلتوقسانىندا كەرەي 2 ايعا تولعاندا وتە سيرەك كەزدەسەتىن دياگنوز قويىلدى. اتاۋى ءوت جولدارىنىڭ اترەزياسى، باۋىردىڭ قايتالاما بيليارلى سيرروزى. ەمدەۋدىڭ جالعىز جولى ترانسپلانتاتسيالاۋ بولدى. وتانىڭ قۇنىن بىلگەن سوڭ، 23-جەلتوقساندا قازاقستاندىق قورمەن شارت جاساسىپ، 7-قاڭتاردا شۇعىل وپەراتسياعا تۇركيانىڭ «مەديكال پارك انتاليا» كلينيكاسىنا ۇشىپ باردىق. كەرەيدى شۇعىل تەكسەردى، بارلىق ءاناليزدى تاپسىردىق، ناتيجەسى كوڭىل كونشىتپەدى. تۇركيادا قاجەتتى سوما جينالعانشا ءبىر اي كۇتتىك، قولداۋ باياۋ ءجۇردى. بالانىڭ باۋىرى ناشار جۇمىس ىستەدى، ەگەر ترانسپلانتاتسيا ۋاقىتىندا جاسالماسا، ونىڭ سالدارى باسقا ورگاندارعا اسەر ەتەتىن بولدى. كەرەيدىڭ جاعدايىن ەسكەرە وتىرىپ، دارىگەرلەر ۋاقىت جوعالتپاستان شۇعىل وتا جاسادى. وتا قارىزعا جاسالدى، شارت جاساسقان قور بىزگە كەپىل بولدى. 13 اقپاندا كەرەيگە باۋىر ترانسپلانتاتسياسى جاسالىپ، ول 4 كۇن بويى رەانيماتسيادا جاتتى. ءقازىر بالام ەمحانادا ەم قابىلداپ، اقىرىنداپ قالىپقا كەلۋدە»، - دەپ جازدى ءسابيدىڭ اناسى مەرۋەرت جومارت قىزى.
كەرەيگە قول ۇشىن سوزۋعا نيەتتىلەر ءۇشىن رەكۆيزيتتەر: تەلەفون (kasp) 77476098979, كارتا 4400430259960539 مەرۋەرت د.
