ينفلياتسيا باياۋلايدى دەگەن ۇمىتتەمىز - ۇلتتىق بانك
«قازاقستاندا ينفلياتسيانىڭ ايلىق ديناميكاسى وتكەن جىلعى ناۋرىز ايىنداعى ەڭ جوعارى ماننەن تومەندەۋىنە قاراماستان، الدىڭعى 5 جىلداعى ورتاشا جىلدىق ماندەردەن اساتىن دەڭگەيدە قالىپ وتىر. ينفلياتسيا ءبىزدىڭ كۇتۋلەرىمىزگە سايكەس قالىپتاسىپ كەلەدى. ونىڭ بيىلعى اقپان ايىنداعى جىلدىق ءمانى 21,3 پايىزدىق ەڭ جوعارى كورسەتكىشكە جەتتى. ازىق-تۇلىك باعاسىنىڭ ءوسىپ، 26,2 پايىزعا جەتۋى ينفلياتسياعا كوپ ۇلەس قوسىپ وتىر. ازىق-تۇلىككە جاتپايتىن ينفلياتسيا يمپورتتىق تاۋارلاردىڭ قىمباتتاي تۇسۋىنە جانە ولارعا دەگەن سۇرانىستىڭ ارتۋىنا بايلانىستى 20,2 پايىزعا دەيىن جەدەلدەدى. اقىلى كورسەتىلەتىن قىزمەتتەر ينفلياتسياسى 15 پايىزعا جەتتى. لوگيستيكالىق جەتكىزۋ جولدارىنىڭ قايتا قۇرىلۋىنا، جوعارى ينفلياتسيالىق كۇتۋلەرگە، فيسكالدىق ىنتالاندىرۋعا جانە كرەديتتەۋدىڭ ۇلعايۋىنا بايلانىستى ينفلياتسيا ءوسۋ ۇستىندە»، - دەدى ول «2023-2025-جىلدارعا ارنالعان رەسپۋبليكالىق بيۋجەت تۋرالى» زاڭ جوباسىن تانىستىرا كەلە.
ونىڭ اتاپ وتۋىنشە، ۇلتتىق بانك ينفلياتسيالىق تارگەتتەۋ جانە ەركىن وزگەرمەلى ايىرباستاۋ باعامى رەجيمىندە دەزينفلياتسيالىق مونەتارلىق ساياساتتى جۇرگىزىپ كەلەدى.
«سىرتقى ينفلياتسيالىق جاعدايدىڭ تومەندەۋىنە، جاڭا لوگيستيكالىق جەتكىزۋ جولدارىنىڭ رەتتەلۋىنە، وتكەن جىلدىڭ جوعارى بازاسىنىڭ وزگەرۋىنە بايلانىستى جۇرگىزىلىپ جاتقان اقشا-كرەديت ساياساتىن ەسكەرە وتىرىپ، ينفلياتسيا باياۋلايدى دەپ كۇتىلەدى»، - دەدى اقىلجان بايماعامبەتوۆ.
