جۋرناليستەرگە شابۋىل ۇيىمداستىردى دەگەن كۇدىكتىنىڭ سىبايلاستارى انىقتالدى

ۇستالعان و. توكاريەۆ ءوزىنىڭ كىناسىن مويىندادى جانە تەرگەۋگە كومەكتەسۋگە كەلىستى. وعان باسقا شەتەل ازاماتتارى - ك. ليتۆينوۆتىڭ، س. شاپوۆالوۆتىڭ، ب. دەمچەنكو مەن يا. مالىشوكتىڭ بەلسەندى كومەك كورسەتكەنى انىقتالدى. توكاريەۆتىڭ ءوزى ۇيىمداستىرۋشى جانە ۇيلەستىرۋشى رەتىندە، ال توپتىڭ باسقا قاتىسۋشىلارى - ليتۆينوۆ، شاپوۆالوۆ جانە دەمچەنكو رەكرۋتەرلەر ءرولىن اتقارىپ، قازاقستان ازاماتتارى اراسىنان ارانداتۋدى تىكەلەي ىسكە اسىرۋشىلاردى، ياعني «قاباندار» دەپ اتالاتىن ورىنداۋشىلاردى ىزدەۋمەن جانە قىلمىستىق ارەكەتكە تارتۋمەن اينالىسقان. سونداي- اق ولار اشىق اقپاراتتىق دەرەككوزدەردەن جابىرلەنۋشىلەرگە قاتىستى مالىمەتتەردى جيناعان.

مەملەكەتتىك اقپاراتتىق دەرەكتەرگە رۇقساتى بار تۇلعالاردى ىزدەستىرگەن. توكاريەۆپەن بىرگە ارانداتۋلاردى ىسكە اسىرۋ جولدارىن (كولىكتەردى ورتەۋ، ءقاۋىپ ءتوندىرۋ جانە شابۋىلداۋ) ازىرلەگەن. مالىشوك حاكەرلىك باعىتقا جاۋاپتى بولىپ (فلۋد، DDos, بۇزۋ جانە ت. ب. ) ، «Orda» جانە «elmedia» سايتتارىنا DDos-شابۋىلدارىن ءوزى ۇيىمداستىرعان. «Ulysmedia» رەداكسياسىنىڭ سايتىن بۇزعان.

«قازىرگى تاڭدا باس پروكۋراتۋرامەن بىرگە توكاريەۆتىڭ سىبايلاستارىن حالىقارالىق ىزدەۋگە جاريالاۋ ماسەلەسى پىسىقتالۋدا. باستاماشىلداردى انىقتاۋ بويىنشا جۇمىستار جالعاسۋدا، ناتيجەلەرى قوسىمشا حابارلاناتىن بولادى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى