قازاقستاندىقتار ەلوردا كۇنىنە وراي ءتورت كۇن دەمالادى

اتالعان قۇجاتقا سايكەس، ەلوردا كۇنىنە وراي قازاقستاندىقتار ءتورت كۇن قاتارىنان دەمالماق، دەپ حابارلايدى قازاقپارات.

«دەمالىس كۇنى 2023 -جىلعى 1-شىلدە سەنبىدەن 7-شىلدە جۇماعا اۋىستىرىلادى. قاۋلى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى»، - دەلىنگەن قۇجات ماتىنىندە.

سونداي- اق، مينيسترلىك قۇجاتىندا ق ر ەڭبەك كودەكسىنىڭ 85-بابىنىڭ 3-تارماعىنا سايكەس مەرەكە كۇندەرى جانە كودەكستىڭ 84-بابىنىڭ 5-تارماعىندا كوزدەلگەندەي جۇمىس ۋاقىتىن ۇتىمدى پايدالانۋ ماقساتىندا ۇكىمەتتىڭ دەمالىس كۇندەرىن باسقا جۇمىس كۇندەرىنە اۋىستىرۋعا بولاتىندىعى ايتىلعان.

اتالعان وزگەرىستەر مەملەكەت بيۋدجەتىنەن قارجى تالاپ ەتپەيدى. سونىمەن قاتار قاۋلى جوباسىن قابىلداۋدىڭ الەۋمەتتىك- ەكونوميكالىق تۇرعىدان كەرى اسەرى جوق نەمەسە قۇقىقتىق سالدارعا اكەپ سوقپايدى.

ياعني، بەس كۇندىك جۇمىس اپتاسىندا قازاقستاندىقتار ءتورت كۇن قاتارىنان دەمالادى: 6,7,8,9 شىلدە. اپتانىڭ التى كۇنى جۇمىس ىستەيتىن ازاماتتار 6,7 جانە 10-شىلدە كۇنى دەمالادى.

قاۋلى جوباسىن اشىق تالقىلاۋ 15-ناۋرىزعا دەيىن «اشىق ن ق ا» پورتالىندا جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى