بولگاريانىڭ ەڭ ءىرى جوعارى وقۋ ورنىندا قازاق ءتىلى وقىتىلادى
بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا سوفيا ۋنيۆەرسيتەتى مەن قازاقستاننىڭ جەتەكشى جوعارى وقۋ ورىندارى اراسىنداعى ءوزارا ءتيىمدى ارىپتەستىكتى ارتتىرۋ بويىنشا ناقتى باستامالار قارالدى.
اتاپ ايتقاندا، 2018-جىلدىڭ قازان ايىندا ءال-فارابي اتىنداعى قاز ۇ ۋ- مەن ارىپتەستىك كەلىسىم نەگىزىندە قۇرىلعان ءال-فارابي عىلىمي-ءبىلىم بەرۋ جانە مادەني ورتالىعىنىڭ قابىرعاسىندا قازاق ءتىلىن وقىتۋ تاجىريبەسىن ودان ءارى ىلگەرىلەتۋگە نازار اۋدارىلدى. سونىمەن قاتار، قازاقستاندىق ديپلومات ۋنيۆەرسيتەت باسشىلىعىنا جان-جاقتى قولداۋ كورسەتكەنى ءۇشىن العىسىن ءبىلدىرىپ، بولگار ستۋدەنتتەرى اراسىندا قازاق ءتىلىن ۇيرەنۋگە دەگەن قىزىعۋشىلىقتىڭ ارتىپ كەلە جاتقانىنا جانە وسى ءپاندى «تۇركولوگيا» فاكۋلتەتىنىڭ وقۋ جوسپارىنا ەنگىزگەنىنە ريزاشىلىعىن ءبىلدىردى.
سونىمەن قاتار، جوعارى بىلىكتى كادرلاردى دايارلاۋ جونىندەگى مەملەكەتتىك ماقساتتى ورىنداۋعا قوسقان ۇلەسى تۇرعىسىنان ۆ. تەمىربايەۆ بولگاريا ۋنيۆەرسيتەتىنىڭ رەكتورىن 2023-جىلدىڭ كۇزىندە استانا مەن الماتىدا وتەتىن «ynternational Education Fair» حالىقارالىق ءبىلىم بەرۋ كورمەسىنە قاتىسۋعا شاقىردى.
سونىمەن قاتار، ۆ. تەمىربايەۆ ق ر پارلامەنتىنىڭ تومەنگى پالاتاسى - ءماجىلىس جانە جەرگىلىكتى وكىلەتتى ورگاندار - ءماسليحاتتار دەپۋتاتتارىنىڭ كەزەكتەن تىس سايلاۋىنا ەگجەي-تەگجەيلى توقتالا وتىرىپ، مەملەكەتتىك بيلىك ينستيتۋتتارىن قايتا جاڭعىرتۋ شەڭبەرىندە قازاقستاندا جۇرگىزىلىپ جاتقان وزگەرىستەرمەن اڭگىمەلەسۋشىنى تانىستىردى.
سوڭىندا تاراپتار كەزدەسۋ بارىسىندا بەلگىلەنگەن بارلىق ماسەلەلەر بويىنشا جۇمىس بايلانىستارىن جالعاستىرۋعا كەلىستى.
