ەڭبەك كىتاپشاسى ورتەنىپ كەتسە، زەينەتاقى راسىمدەلە مە؟
بۇل سۇراققا ەڭبەك جانە حالىقتى الەۋمەتتىك قورعاۋ كوميتەتى دەپارتامەنتىنىڭ 1№ زەينەتاقى جانە الەۋمەتتىك قامسىزداندىرۋ ءبولىمىنىڭ باسشىسى گاۋھار تەلجانوۆا جاۋاپ بەرەدى، - دەپ حابارلايدى Diapazon.kz.
«مەنىڭ قۇجاتتارىم ورتتە ورتەنىپ كەتتى، ونىڭ ىشىندە ەڭبەك كىتاپشاسى دا بار. مەن ونى قالپىنا كەلتىرە المايمىن. مەن جۇمىس ىستەگەن كومپانيالار الدەقاشان جابىلدى. ءبىراق قولىمدا نوتاريالدى كۋالاندىرىلعان ەڭبەك كىتاپشاسىنىڭ كوشىرمەسى بار. ول زەينەتكەرلىكتى راسىمدەۋگە قابىلدانا ما؟» - دەيدى اقتوبەلىك تۇرعىن ساعادات.
«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» «قازاقستان رەسپۋبليكاسىنىڭ 2013-جىلعى 21- ماۋسىمداعى 105-V№ زاڭىنا سايكەس زەينەتاقى تولەمدەرىن تاعايىنداۋ ءۇشىن بارلىق قۇجاتتى ح ق ك و- عا ءتۇپنۇسقادا ۇسىنۋ قاجەت. سوندىقتان ەڭبەك كىتاپشاسى ورتەنىپ كەتسە، بۇكىل جۇمىس كەزەڭىنە ەڭبەك ءوتىلىن راستايتىن انىقتامالار الۋ ءۇشىن مۇراعات مەكەمەلەرىنە حابارلاسۋىڭىز كەرەك. قازاقستانداعى مۇراعاتتارعا سۇرانىستى قالاداعى كەز كەلگەن حالىققا قىزمەت كورسەتۋ ورتالىعىنداعى قىزمەت كورسەتۋ ايماعى ارقىلى بەرۋگە بولادى، ءبىراق بۇل ءۇشىن ە س ق قاجەت. قالالىق جانە اۋداندىق مۇراعاتتاردان جاۋاپ بولماسا، تۇرعىلىقتى جەرى بويىنشا سوتقا تالاپ ارىز جازۋ قاجەت. سىزگە سىزبەن بىرگە جۇمىس ىستەگەن كۋاگەرلەر جانە ولاردىڭ مەكەمەدە قىزمەت ەتكەنى تۋرالى جازبا بار ەڭبەك كىتاپشاسى قاجەت بولادى»، - دەپ جاۋاپ قايتاردى گاۋھار تەلجانوۆا.
