بەيجىڭدە «قازاقستان تەمىر جولى» ۇ ك» ا ق جانە «قىتاي تەمىر جولدارى» م ك باسشىلارى كەزدەستى
«قىتاي تەمىر جولدارى» م ك- نىڭ باسشىسى ليۋ چجەنفان اتاپ وتكەندەي، «قازاقستان تەمىر جولى» دەلەگاتسياسى — بۇل پاندەميادان كەيىن قىتاي تاراپى قابىلداعان العاشقى اكىمشىلىك.
كەزدەسۋدە ەكى ەل اراسىنداعى جۇك تاسىمالداۋ كولەمى وڭ قارقىن كورسەتىپ وتىرعانى اتاپ ءوتىلدى. 2022 -جىلى جۇك تاسىمالى 23 ميلليون توننانى قۇراپ، تاريحي ماكسيمۋمنان استى. بۇل 2021 -جىلمەن سالىستىرعاندا %15 كە كوپ.
تاراپتار قازاقستان ارقىلى وتەتىن حالىقارالىق كولىك دالىزدەرىن دامىتۋ ماسەلەلەرى بويىنشا ىنتىماقتاستىقتىڭ اعىمداعى جاي- كۇيى مەن پەرسپەكتيۆالارىن تالقىلادى. ق ح ر- دان يمپورت ماسەلەلەرىنە ەرەكشە نازار اۋدارىلدى.
«كەزدەسۋدە جاڭا جوبالارعا دا كوپ كوڭىل ءبولىندى. دوستىق - مويىنتى ۋچاسكەسىن جاڭعىرتۋ جانە باقتى - تاچەن ۋچاسكەسىندە ءۇشىنشى تەمىرجول شەكارا وتكەلىن سالۋ ماسەلەلەرى قارالدى»، - دەلىنگەن «قازاقستان تەمىر جولى» ۇ ك» ا ق باسپا ءسوز قىزمەتى تاراتقان اقپاراتتا.
