قازاقستاندا وتىزدان استام ينتەرنەت- رەسۋرس بۇعاتتالدى
وسىعان بايلانىستى ق ر ساۋدا جانە يندۋستريا مينيسترلىگى تەحنيكالىق رەتتەۋ جانە مەترولوگيا كوميتەتى حابارلايدى:
سايكەستىك سەرتيفيكاتى نەمەسە سايكەستىك تۋرالى دەكلاراتسيا ءونىمنىڭ قاۋىپسىز ەكەنىن راستايدى. سەرتيفيكاتسىز ءونىم ازاماتتاردىڭ دەنساۋلىعىنا قاۋىپتى بولۋى مۇمكىن.
«ونى اككرەديتتەلگەن سەرتيفيكاتتاۋ ورگاندارى بەرەدى. ال مۇنداي «دەلدالدىق» قىزمەتتەردى اككرەديتاتسياسىز جارنامالاۋعا «جارناما تۋرالى» زاڭمەن تىكەلەي تىيىم سالىنعان. سوندىقتان قر سيم تەحنيكالىق رەتتەۋ جانە مەترولوگيا كوميتەتى وسىنداي سايتتاردى ۇنەمى باقىلاپ، تابىلعان جاعدايدا اقپارات جانە قوعامدىق دامۋ مينيسترلىگىنە بۇعاتتاۋ ءۇشىن جىبەرەدى»، - كوميتەت ءتوراعاسى قۋانىش ەلىكبايەۆ.
مۇنداي سايتتار ادەتتە ە ا ە و- عا قاتىسۋشى كورشى ەلدەردىڭ بىرىندە تىركەلەتىن «سەرتيفيكاتتاردى» جارنامالايدى.
ايتپاقشى، وتكەن جىلدىڭ تامىز ايىنان باستاپ ءبىز وسىنداي 40 سايتتى تاپتىق جانە ولاردىڭ 33 ءىن بۇعاتتادىق. كەيبىرەۋلەر پروتسەستە، سونىڭ ىشىندە بۇگىن جەلىدە تاراعان سايت تا بار.
«الداعى ۋاقىتتا وسىنداي سايتقا تاپ بولساڭىزدار كوميتەتكە حابارلاسۋلارىڭىزدى سۇرايمىز»، - دەلىنگەن حابارلامادا.
