بايلانىس جوق: الماتى وبلىسىندا ورتتەن بالالار قازا تاپتى

قايعىلى جاعداي تۋرالى اقپاراتتى ب ا ق وكىلدەرى جاريالادى. جازباعا سايكەس، تۇرعىندار ءورت سوندىرۋشىلەردى دەر كەزىندە شاقىرا الماعان.

ايتۋلارىنشا، جەر ۇيدەن شىققان ورتتەن اكەسى مەن كىشكەنتاي ەكى بالاسى تىرىدەي جانىپ كەتتى. تۇرعىندار ۋاقىتىندا كومەك شاقىرىپ، ءورت سوندىرۋشىلەرگە حابار بەرە الماعان. ويتكەنى، اۋىلدا ۇيالى بايلانىس جوق.

وسىعان بايلانىستى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تۇسىنىك بەردى.

«الماتى وبلىسى، ۇيعىر اۋدانى، كەپەبۇلاق اۋىلىندا 524 ادام تۇرادى. بايلانىس وپەراتورلارىنىڭ دەرەگىنشە، ەلدى مەكەندە ۇيالى بايلانىس 2G- «كار-تەل» ج ش س، «موبايل تەلەكوم-سەرۆيس» ج ش س، «كسەلل» ا ق بايلانىس تەحنولوگيالارى قولجەتىمدى. بايلانىس وپەراتورى بەرگەن ليتسەنزيالىق مىندەتتەمەلەرگە سايكەس 500 دەن استام حالقى بار ەلدى مەكەندەر كەم دەگەندە 2G ستاندارتىنىڭ داۋىستىق بايلانىسىمەن قامتاماسىز ەتىلۋى ءتيىس. الايدا بايلانىس وپەراتورلارى وزدەرىنىڭ ليتسەنزيالىق مىندەتتەمەلەرىن ورىندامادى»، - دەپ حابارلادى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، تەلەكوممۋنيكاتسيالار كوميتەتىنىڭ ءتوراعاسى ەرجان مەيراموۆ.

بەلگىلى بولعانىنداي كەپەبۇلاق اۋىلىندا «كار-تەل» ج ش س وپەراتورى ۇيالى بايلانىس قىزمەتىن ۇيىمداستىرۋى ءتيىس بولعان، ال «كسەلل» ا ق جانە «موبايل تەلەكوم-سەرۆيس» ج ش س وپەراتورلارى بىرلەسكەن كەلىسىم شەڭبەرىندە (ينفراقۇرىلىمدى بىرلەسىپ پايدالانۋ) قىزمەت كورسەتۋگە مىندەتتى ەدى.

«الايدا، «كار-تەل» ج ش س باسقا ەكى ۇيالى بايلانىس وپەراتورى ءۇشىن بىرلەسكەن كەلىسىم شەڭبەرىندە ۇيالى بايلانىس ينفراقۇرىلىمىن ۇيىمداستىرعان جوق، وسىعان بايلانىستى وسى اۋىلداعى بايلانىس ساپاسى بەلگىلەنگەن تالاپتارعا سايكەس كەلمەيدى. وپەراتورلارعا قاتىستى كورسەتىلەتىن قىزمەتتەردىڭ ساپاسىنا ءتيىستى تەكسەرۋ جۇرگىزىلىپ، وپەراتورلارعا قاتىستى ءتيىستى شارالار قابىلداناتىن بولادى. قابىلدانعان شارالار تۋرالى قوسىمشا حابارلانادى»، - دەپ اتاپ ءوتتى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ وكىلدەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى