جاستار قاي جاستا وتباسىن قۇرعان دۇرىس
پسيحولوگ قاي جاسقا دەيىن ۇيلەنۋگە (تۇرمىس قۇرۋعا) اسىقپاۋ كەرەگىن ايتىپ بەردى.
قازىرگى جاستار ءوزىنىڭ جاسىنداعى اتا-اناسىنان ەرەكشەلەنەدى
«كەيىنگى ونجىلدىقتا پسيحولوگيالىق جەتىلۋ جاسىنىڭ ۇلعايۋى ايقىن بايقالادى. قازىرگى 20 جاستاعىلار 20 جاستاعى اتا-اناسىنان مۇلدەم وزگەشە. ال زاڭ ەرەسەكتەردى ماڭىزدى شەشىمدەر قابىلداۋعا قابىلەتتى جانە ونىڭ سالدارى ءۇشىن جاۋاپتى دەپ تانىعانىمەن، پسيحولوگيا تۇرعىسىنان العاندا، 18 جانە 22 جاستاعى زامانداستاردىڭ كوپشىلىگى ءالى دە جاس وسپىرىمدەر سانالادى»، - دەيدى پسيحولوگ الەكساندر شاحوۆ.
• نەكەگە تۇرۋدىڭ ورتاشا جاسى 23-25 جاس،
• اجىراسۋ سانى %60-65 قۇرايدى.
ەۋروپادا:
• نەكەنىڭ ورتاشا جاسى - 28-32 جاس،
• اجىراسۋ %34 قۇرايدى.
پسيحولوگيالىق جەتىلۋ
ساراپشى پسيحولوگيالىق كەمەلدەنۋ ايەلدەردە 28-30 جاستا، ەرلەردە ءتىپتى كەيىنىرەك، 32-34 جاستا بولاتىنىن ايتادى.
«سوندىقتان مەن وسى جاسقا دەيىن ۇيلەنۋگە كەڭەس بەرمەيمىن. ارينە، ەكى جاس ءبىر-ءبىرىن ءسۇيىپ تۇرسا، ولارعا وتباسىن قۇرۋعا ەشكىم تىيىم سالمايدى. ۇيلەنۋگە، اجىراسۋ، تاعى دا شاڭىراق كوتەرۋ اركىمنىڭ ءوز تاڭداۋى. ءبىراق بالالى بولۋعا اسىقپاڭىز»، - دەيدى الەكساندر شاحوۆ.
پسيحولوگ وتباسىن قۇرىپ، بالالى بولعانعا دەيىن قارىم-قاتىناس تاجىريبەسىن الۋدى ۇسىنادى.
«جاس جىگىتتەر كوبىنەسە وتباسىنا ءسوز جۇزىندە عانا دايىن بولادى. وتباسىن اسىراۋ، كۇندەلىكتى ومىردە كومەكتەسۋ جانە بالالاردى تاربيەلەۋ قاجەتتىلىگىنە تاپ بولعاندا ولار ايەلدى قيىندىقتارمەن جالعىز قالدىرادى. ايەلدەردە انالىق ينستينكت بار، جىگىتتەر ەركىندىكتى جاقسى كورەدى. سوندىقتان اسىقپاڭىز! ءوزىڭىزدىڭ كىم ەكەنىڭىزدى تۇسىنۋگە ۋاقىت بەرىڭىز، ءارتۇرلى ادامدارمەن قارىم-قاتىناستا تاجىريبە الىڭىز، سىزگە قانداي ادام كەرەك ەكەنىن ءتۇسىنىڭىز، ءوزىڭىزدى كاسىپتە تابىسقا جەتىڭىز، اياققا تۇرىڭىز»، - دەيدى الەكساندر شاحوۆ.
ايتا كەتەيىك، بۇعان دەيىن پسيحولوگ لابكوۆسكي قانداي قىزدار تۇرمىسقا شىقپايتىنىن ايتقان بولاتىن.
ماماننىڭ ايتۋىنشا، وزىنە سەنىمدى ادام باسقا ادامداردىڭ - ءتىپتى ەڭ جاقىندارىنىڭ پىكىرىنە دە تاۋەلدى ەمەس. پسيحولوگ ءوزىن-ءوزى باعالاۋى ادەكۆاتتى ايەلدەردىڭ مۇلدەم تۇرمىسقا شىققىسى كەلمەيتىنىن ايتادى.
massaget.kz
