قازاقستاننان كومىردى كولىكپەن اكەتۋگە تىيىم سالىنباق
بۇل تۋرالى «اشىق» ن ق ا پورتالىندا جاريالانعان يندۋستريا جانە ينفروقۇرلىمدىق دامۋ ءمينيسترىنىڭ بۇيرىعىندا جازىلعان، دەپ حابارلايدى قازاقپارات ءتىلشىسى.
«قازاقستان اۋماعىنان تاس كومىردى، تاس كومىردەن الىنعان بريكەتتەردى، شەكەم تاستاردى، قاتتى وتىننىڭ ۇقساس تۇرلەرىن، توزاڭ تۇرىندەگى نەمەسە توزاڭ تۇرىندەگى ەمەس ءبىراق اگلومەراتسيالانباعان تاس كومىردى، گاگاتتان باسقا ليگنيتتى نەمەسە اگلومەراتسيالانعان، اگلومەراتسيالانباعان قوڭىر كومىردى اۆتوموبيل كولىگىمەن اكەتۋگە 6 اي مەرزىمگە تىيىم سالۋ ەنگىزىلسىن»، - دەلىنگەن بۇيرىقتا.
قۇجاتقا قوسىمشا بەرىلگەن تۇسىندىرمەدە بۇل حالىقتى جانە كوممۋنالدىق-تۇرمىستىق سەكتوردى كومىرمەن قامتاماسىز ەتۋ جونىندەگى دۇربەلەڭدى بولدىرماۋ جانە ەلدىڭ ەنەرگەتيكالىق قاۋىپسىزدىگىن ساقتاۋ ماقساتىندا ەنگىزىلگەنى جازىلعان.
بۇيرىق 14- ناۋرىزعا دەيىن كوپشىلىك تالقىلاۋىندا بولادى.
