اۆتوبۋستا جولاۋشىلارعا كەدەرگى جاساپ، قايىر تىلەيتىندەر قالاي جازالانادى؟

بۇل قوعامدىق كولىكتە ونسىز دا ادام كوپ كەزدە جولاۋشىلارعا كەدەرگى جاسايتىنى ءسوزسىز. قايىر تىلەپ كىرەتىندەردىڭ ارەكەتى قانشالىق زاڭدى؟

بۇل تۋرالى الماتى قالاسىنىڭ پوليتسيا دەپارتامەنتى وكىلدەرى ارنايى جاۋاپ بەردى.

پوليتسيا دەپارتامەنتىنىڭ مالىمەتىنشە، الماتى قالاسىنىڭ اۋماعىندا اۆتوبۋس سالوندارىندا ءتيىسۋ دەرەكتەرى (زەكەت سۇراۋ، دۇعا ەتۋ) بولعان.

«اۋداندىق بولىمشەلەرمەن قوسىمشا كۇشتەردى تارتا وتىرىپ، بۇل دەرەكتەردى انىقتاۋ جانە ودان ءارى بولدىرماۋدىڭ الدىن الۋ ءىس-شارالارى وتكىزىلەدى. قوعامدىق كولىك سالوندارىندا ساۋدانى جۇزەگە اسىرۋ دەرەكتەرى انىقتالعان جوق، سونداي-اق وسىنداي دەرەكتەر بويىنشا 102 پۋلتىنە حابارلامالار تۇسكەن جوق»، - دەلىنگەن رەسمي ساۋالعا بەرىلگەن جاۋاپتا.

پوليتسيا دەپارتامەنتى وكىلدەرىنىڭ مالىمەتىنشە، «قايىر سۇراۋ» دەرەكتەرى انىقتالعان كەزدە جەكە باسىن ودان ءارى انىقتاۋ جانە بۇرىن جاسالعان قىلمىستارعا قاتىسى بار-جوقتىعى ءۇشىن پوليتسيا باسقارمالارىنا جەتكىزىلەدى.

«ەگەر جاسالعان قىلمىستارعا قاتىسى بولماسا، ىزدەۋدە بولماسا قۇقىق بۇزۋشىلار ق ر ا ق ب ت ك-نىڭ 449 بابى (قوعامدىق ورىنداردا ءتيىسۋ) بويىنشا اكىمشىلىك جاۋاپكەرشىلىككە تارتىلادى. مىسالى، بيىل 20 اقپانداعى جاعداي بويىنشا، ق ر ا ق ب ت ك-نىڭ 449-بابى تارتىبىمەن 346 قۇقىق بۇزۋشى تارتىلدى. قازىرگى ۋاقىتتا الماتى قالاسىنىڭ اۋماعىندا كوشى-قون زاڭناماسىن بۇزا وتىرىپ، قالا اۋماعىنا كەلگەن جانە زاڭسىز تۇراتىن شەتەلدىك تۇلعالاردى انىقتاۋعا باعىتتالعان»ميگرانت«جەدەل الدىن الۋ ءىس-شاراسى وتكىزىلىپ جاتىر»، - دەيدى دەپارتامەنت وكىلدەرى.

ونىڭ ناتيجەلەرى بويىنشا:

قازاقستان اۋماعىنان 39 ادام شىعارىلدى. كامەلەتكە تولماعانداردى بەيىمدەۋ ورتالىعىنا - 16 بالا ورنالاستىرىلعان. سونىمەن قاتار، قازاقستاندا بولۋ ەرەجەلەرىن بۇزعانى ءۇشىن 2166 شەتەلدىك اكىمشىلىك جاۋاپكەرشىلىككە تارتىلدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى