الماتى وبلىسىنىڭ كوتتەدج قالاشىعىندا توپىراق كوشكىنى ءجۇردى
ونىڭ ۆيدەوسى الەۋمەتتىك جەلىدە تارادى.
الماتى وبلىسى توتەنشە جاعدايلار دەپارتامەنتىنىڭ مالىمەتىنشە، كەزەكشى پۋلتىنە 27 -اقپان كۇنى ساعات 09:50-دە تالعار اۋدانى بەساعاش اۋىلىنىڭ «بۋراباي» كوتتەدج قالاشىعىندا توپىراق كوشكىنى تۇسكەنى تۋرالى حابار ءتۇستى.
«25-26- اقپان ارالىعىندا قار ارالاس جاڭبىر جاۋىپ توپىراق باتپاقتانىپ، ناتيجەسىندە تاۋ باۋرايىنان باياناۋىل كوشەسىندەگى ەكى جەكە تۇرعىن ءۇيدى لاي كوشكىنى باسىپ قالدى. توپىراق ۇيلەردىڭ ءبىرىنىڭ تەرەزەسىنە زاقىم كەلتىرىپ، ىشكى بولمەلەرگە كىردى. ەكىنشى ءۇيدىڭ قابىرعالارىندا جارىقتار پايدا بولدى. قۇرباندار مەن زارداپ شەككەندەر جوق. وقيعا ورنىنا توتەنشە جاعدايلار دەپارتامەنتى، «قازسەلدەنقورعاۋ» م م، جەرگىلىكتى اتقارۋشى ورگانداردىڭ قىزمەتكەرلەرى جىبەرىلدى. وقيعانىڭ ناقتى سەبەبىن جانە كەلتىرىلگەن زالالدى انىقتاۋ جونىندەگى كوميسسيا قۇرىلدى»، - دەپ حابارلادى ۆەدومستۆودان.
تۇسكەن توپىراقتىڭ بولجامدى كولەمى 360 تەكشە مەتر.
Посмотреть эту публикацию в Instagram
ۆيدەودان الىنعان كادر instagram.com/kris_p_talgar
اۆتور
الما مۇقانوۆا
