امەريكالىق ساراپشى تۇركى ۇيىمىنىڭ قانداي ارتىقشىلىقتارى بارىن ايتتى
قوس ساراپشى دا ا ق ش تۇركى مەملەكەتتەرى ۇيىمىنىڭ نىعايۋىنا، 2023-جىلى قازاقستاندا وتەتىن ونىنشى سامميتكە تىلەكتەستىكپەن قارايتىنىن اتاپ ءوتتى.
ۋەسلي حيلدىڭ پايىمىنشا، تۇركى مەملەكەتتەرى ۇيىمىنىڭ ارتىقشىلىقتارى بارشىلىق: ورتالىق ازيا بلوگىندا وڭىرلىك جانە مادەني بايلانىستاردى نىعايتىپ، ەۋروپا وداعىنا تۇركيا، گرۋزيا، ازەربايجان جانە ورتالىق ازيا ارقىلى وتەتىن تاۋار تاسىمالىنىڭ ءدالىزىن سەنىمدى ەتە تۇسەدى، ورتالىق ازيا ەلدەرىنىڭ ءوز ەكونوميكاسىنا ينۆەستيتسيا تارتۋىنا سەپتىگىن تيگىزەدى.
ال ا ق ش- تاعى بيزنەس ورتانىڭ ساراپشىسى تۇركى مەملەكەتتەرى ۇيىمىنىڭ اياسىندا قولعا الىنعان قارجىلىق، لوگيستيكالىق، ەنەرگەتيكالىق جوبالاردى ا ق ش- تىڭ قولدايتىنىن ايتتى. ونىڭ ايتۋىنشا، ا ق ش بۇل ۇيىمعا ەۋروپانى قاجەتتى ەنەرگيا رەسۋرسىمەن قامتيتىن اسا ماڭىزدى قۇرىلىم رەتىندە قاراپ وتىر. ونىڭ ۇستىنە امەريكا تارابى تۇركى مەملەكەتتەرى ۇيىمىنا ەۋروپانىڭ ەنەرگەتيكا نارىعىنداعى باسەكەلەس رەتىندە قارامايدى. ويتكەنى ەۋروپا وداعىنىڭ ەنەرگەتيكالىق رەسۋرسقا دەگەن سۇرانىسى وتە اۋقىمدى.
دەي تۇرعانمەن، ساراپشىلاردىڭ تۇركى ۇيىمىنا مۇشە مەملەكەتتەردىڭ ىشىندە ا ق ش ءۇشىن قايسىسى ماڭىزدى سەرىكتەس ەكەنى تۋرالى پىكىرلەرى ءار ءتۇرلى بولىپ شىقتى.
ۋەسلي حيلل ا ق ش اسىرەسە تۇركيامەن جانە ازەربايجانمەن تىعىز بايلانىس ورناتىپ وتىر دەپ ەسەپتەيدى. ۆاشيگتون ءۇشىن كەيبىر ماسەلەدەگى ۇستانىم قايشىلىعىنا قاراماستان، ايماقتاعى ەڭ سەنىمدى سەرىكتەس انكارا بولىپ تۇر. ال ازەربايجان ەڭ اۋەلى ەۋروپانىڭ ەنەرگەتيكالىق قاۋىپسىزدىگى تۇرعىسىنان ا ق ش ءۇشىن ماڭىزدى سەرىكتەس بولسا كەرەك.
ا ق ش- تاعى بيزنەس ورتانىڭ ساراپشىسى بولسا، ا ق ش ءۇشىن انكارادان كەيىنگى ماڭىزدى سەرىكتەس استانا دەپ ويلايدى. ونىڭ پايىمىنشا، تۇركيانىڭ وڭىردە جۇرگىزىپ وتىرعان ساياساتى ۆاشينگتوننىڭ ۇستانىمىمەن سايكەسەدى. ال قازاقستاندا امەريكالىق بيزنەستىڭ ۇلەسى باسىم. ەكى ەلدىڭ اراسىنداعى ەكونوميكالىق بايلانىستىڭ تاريحى باي.
ەكى ساراپشى دا ا ق ش تۇركى ۇيىمىنىڭ قاۋىپسىزدىك ماسەلەسىندەگى ارىپتەستىگىنە بەيتاراپ قارايتىنىن، ۇيىم اياسىنداعى قارىم-قاتىناستا ەكونوميكالىق جانە ديپلوماتيالىق بايلانىس اسكەري ىنتىماقتان جوعارى تۇرۋ كەرەك دەپ ەسەپتەيتىندەرىن ايتتى.
