باس پروكۋراتۋرا زاڭسىز استىق ەكسپورتىنا قاتىستى ىسكە تۇسىنىك بەردى
ءۇش كاسىپكەر مۇلىكتىك زالال كەلتىردى دەگەن كۇدىككە ىلىنگەن (ق ك- ءنىڭ 195-بابى 4-بولىگى). اتاپ ايتقاندا، ولار رەسەيدەن ءبيداي ساتىپ العان، سودان كەيىن قازاقستان استىعى رەتىندە شەتەلگە زاڭسىز ەكسپورتتاعان. تەرگەۋ مالىمەتتەرىنە قاراعاندا، كاسىپورىن يەسى كومپانيا قىزمەتكەرلەرىمەن بىرگە قىلمىستىق توپ قۇرعان. مۇندا قىلمىستىڭ تەك ەكونوميكالىق قۇرامى بولعان جاعدايدا كاسىپكەرلەر قاماۋعا الىنباس ەدى. سوندىقتان ق ك- ءنىڭ 262-بابى كاسىپكەرلەردى قاماۋعا الۋعا سەبەپ بولعان.
«قىلمىستىق كودەكستىڭ 262-بابى (ۇيىمداسقان قىلمىستىق توپ قۇرۋ) ادام ءۇشىن اۋىر سالدارعا اكەپ سوعادى. وسى باپ اياسىندا باس بوستاندىعىنان ايىرۋ جازاسى بەلگىلەنەدى. بىزدىڭشە، ۇيىمداسقان قىلمىستىق توپ قۇردى دەگەن كۇدىك ورىنسىز. ويتكەنى بۇل ءۇشىن جوعارى ۇيىمشىلدىق پەن تۇراقتى ارەكەتتەر تۇرىندەگى ءبىرقاتار بەلگىلەر بولۋى ءتيىس. باسشىلىقتى جانە ولاردىڭ قاراماعىنداعى جۇمىسشىلار اراسىنداعى جۇمىس قاتىناستارىن قىلمىستىق توپ قۇرۋ جانە وعان قاتىسۋ دەپ تانۋعا كەلمەيدى»، - دەدى باس پروكۋراتۋرانىڭ قىلمىستىق قۋدالاۋ قىزمەتىنىڭ اعا پروكۋرورى دانيار احيمبەكوۆ.
وسى ورايدا قاداعالاۋشى پروكۋرور ق ك- ءنىڭ 262-بابى بويىنشا 3 ادامعا قاتىستى قىلمىستىق قۋدالاۋدى توقتاتتى.
بۇل تۇرعىدا كۇدىكتىلەرگە قاتىستى بۇلتارتپاۋ شاراسى ءۇي قاماققا اۋىستىرىلدى. ياعني، مەملەكەت مۇددەسى اياسىندا مۇلىكتىك زالال كەلتىرۋ فاكتىسى بويىنشا تەرگەۋ امالدارى جالعاسادى.
