شەتەل ۆاليۋتاسىنا سۇرانىس تومەندەدى

بۇل 2021 -جىلدىڭ سايكەس كەزەڭىمەن سالىستىرعاندا 22,4 پايىزعا از، دەپ حابارلايدى قازاقپارات.

Ranking.kz پورتالىنىڭ مالىمەتىنشە، ايىرباستاۋ پۋنكتتەرىندەگى شەتەل ۆاليۋتاسىن تازا ساتىلىمىنىڭ 1,8 تريلليون تەڭگەدەن استامى ا ق ش دوللارىن قۇرادى. ال 2021 -جىلعى قاڭتار- جەلتوقسانمەن سالىستىرعاندا ساتىلىم كولەمى 10,1 پايىزعا تومەندەدى. ودان كەيىن ساتىلىم كولەمى 7,4 پايىزعا، 301,9 ميلليارد تەڭگەگە دەيىن تومەندەگەن ەۋرو تۇر. رەسەي رۋبلىنىڭ تازا ساتىلىمى بىردەن 2,7 ەسە، 281 ميلليارد تەڭگەگە دەيىن قىسقاردى.

وڭىرلەر بويىنشا ايىرباستاۋ پۋنكتتەرىنىڭ ا ق ش دوللارىن تازا ساتىلىمىنىڭ جارتىسىنان استامى تەك ەكى مەگاپوليستىڭ ۇلەسىنە تيەسىلى: الماتى مەن شىمكەنت. بۇل رەتتە الماتىدا تازا ساتىلىم كولەمى ءبىر جىلدا 35,5 پايىزعا ءوسىپ، 712,1 ميلليارد تەڭگەنى قۇراسا، شىمكەنتتە كەرىسىنشە 2 ەسەگە جۋىق ازايىپ، 297,2 ميلليارد تەڭگە بولدى.

ايىرباستاۋ پۋنكتتەرىنىڭ ا ق ش دوللارىن تازا ساتۋ كولەمى استانا (103,5 ميلليارد تەڭگە)، اتىراۋ (102,2 ميلليارد تەڭگە) جانە ماڭعىستاۋ (101,9 ميلليارد تەڭگە) وبلىستارىندا دا ايتارلىقتاي جوعارى.

ايىرباستاۋ پۋنكتتەرىندە ەۋرونىڭ تازا ساتىلىمىنىڭ جارتىسىنان كوبى ءۇش مەگاپوليستىڭ ۇلەسىنە ءتيدى: الماتى (96,7 ميلليارد تەڭگە)، استانا (41,3 ميلليارد تەڭگە) جانە شىمكەنت (34,4 ميلليارد تەڭگە). 2022 -جىلدىڭ قاڭتار- جەلتوقسانىندا ەۋروعا ايتارلىقتاي سۇرانىس باتىس قازاقستان وبلىسىندا بايقالدى. ونىڭ ساتىلىمى 27,3 ميلليارد تەڭگەگە جەتتى. بۇل 2021 -جىلدىڭ سايكەس كەزەڭىمەن سالىستىرعاندا بىردەن 3,3 ەسە كوپ.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى