ارمياسى جوق ەلدەر

ريم-كاتوليك شىركەۋىنىڭ رەزيدەنسياسى ورنالاسقان ۆاتيكاندا ارميا دەگەن اتىمەن جوق. دەگەنمەن ريمنىڭ اۋماعىنداعى ۆاتيكاننىڭ قاۋىپسىزدىگىنە يتاليا اسكەرى جاۋاپ بەرەدى. ال يتاليانىڭ 300 مىڭداي اسكەرى جانە 50 مىڭ ادامدىق تەڭىز فلوتى بار.

1968- جىلى تاۋەلسىزدىگىن جاريا ەتكەن تىنىق مۇحيتتاعى ناۋرۋ مەملەكەتى قارۋلى كۇشتەردەن ادا. 14 مىڭ عانا حالقى بار ەلدى كىم قورعايدى دەيسىز عوي، ول - اۆستراليا. ناۋرۋ مەن كەنگۋرۋلەر ەلى اسكەري قولداۋ كورسەتۋ تۋرالى بەيرەسمي كەلىسىم جاساسقان. 1940- جىلى گەرمانيا ناۋرۋعا شابۋىل جاساعان كەزدە اۆستراليا اسكەرى ارالدى نەمىستەردەن قورعاۋعا كىرىسكەن.

شاعىن ەل ليحتەنشتەيننىڭ شەتىنە جاۋ تيسە قورعايتىن اسكەرى جوق. قورعانسىز مارشالل ارالدارى مەن گرەنادا، پالاۋ ەلدەرى ا ق ش-تىڭ ەرىكتى قاۋىمداستىعىنا ەنگەندىكتەن، ولار سەم اعايدىڭ اسكەرىنىڭ قامقورلىعىندا. اندوررا دەگەن كىشكەنتاي ەلگە ەشكىم تيىسە المايدى، سەبەبى بۇل ەلدىڭ قاۋىپسىزدىگىن فرانسيا، يسپانيا جانە ناتو كۇشتەرى ءوز موينىنا العان. جاڭا زەلاندياعا ارقا سۇيەيتىن ساموا، اۆسترالياعا سەنىم ارتقان سولومون ارالدارى الاڭسىز كۇن كەشىپ جاتىر. 1947- جىلعى امەريكالىق كەلىسىمگە سايكەس، كوستا-ريكانى ا ق ش، چيلي، كۋبا اسكەرلەرى قورعايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى